حقائق الفرقان۔۲۰۲۴ء ایڈیشن (جلد ۵) — Page 182
حقائق الفرقان ۱۸۲ سُورَة مُحَمَّدٍ طرح قیصر روم کی طرف سے ایک شخص مقرر ہوا کہ وہ جوڑ توڑ کر کے عرب پر قیصر روم کا اثر بڑھا دے اور یہ ملک اس کے قبضے میں آجائے ۔ آپؐ نے فوراً اسے بھانپ لیا اور اس قومی نمک حرام کو پیش کر دیا۔ پس اے دوستو ! تم اس نبی کی امت ہو۔ تو ایسا ہی حزم و احتیاط ، ہمت ، استقلال اور محنت اختیار کرو۔ فَلَا تَهِنُوا وَ تَدْعُوا إِلَى السَّلْمِ وَ اَنْتُمُ الْأَعْلَوْنَ * وَاللهُ مَعَكُمْ وَ لَنْ يَتِرَكُمُ أَعْمَالَكُمْ - ( تشحیذ الاذہان جلدے نمبر ۴۔ ماہ اپریل ۱۹۱۲ء صفحہ ۱۷۸) ۳۹- هانتُمْ هُؤُلَاءِ تُدْعَوْنَ لِتُنْفِقُوا فِي سَبِيلِ اللَّهِ فَمِنْكُمْ مَنْ يَبْخَلُ وَ مَنْ يَبْخَلُ فَإِنَّمَا يَبْخَلُ عَنْ نَّفْسِهِ وَ اللهُ الْغَنِيُّ وَ انْتُمُ الْفُقَرَاءُ ۚ وَ إِنْ تَتَوَلَّوْا يَسْتَبْدِلُ قَوْمًا غَيْرَكُمْ ثُمَّ لَا يَكُونُوا أَمْثَالَكُمْ - ترجمہ ۔ تو تم وہ لوگ ہو کہ تم کو بلایا جاتا ہے اس واسطے کہ تم اللہ کی راہ میں خرچ کرو تو کوئی تو تم میں سے ایسا ہے جو بخل کرتا ہے اور جو بخل کرتا ہے تو اپنی ہی جان کے ساتھ بخل کرتا ہے اور اللہ تو غنی ہے اور تم محتاج فقیر ہو اور اگر تم منہ پھیرو گے تو اللہ دوسری قوم کو بدل لے آئے گا تمہارے سوائے تو وہ تمہاری طرح نہ ہوں گی ۔ تفسیر۔ انسان محتاج ہے کھانے پینے کا ، مکان کا ، غرض ذرے ذرے میں خدا۔ کے حضور اس کی احتیاج ہے۔ چنانچہ اس نے فرمایا کہ وَاللهُ الْغَنِيُّ وَ انْتُمُ الْفُقَرَاء حقیقی غنی اللہ کی ذات ہے۔ اور سراپا احتیاج انسان ۔ جو احتیاج میں ہے اس کے برابر کوئی ذلیل نہیں ۔ اسی لئے حکم ہے اسے خدا کے حضور تذلل کا۔ پھر انسان اپنے وجود میں ، اپنے بقاء میں ، دفع امراض میں ، رنج و راحت ، عسرویسر ، غرض ہر حالت میں اللہ کا محتاج ہے۔ پس اللہ کا نام انسان کو یہ سمجھاتا ہے کہ حقیقی معبود، حقیقی مطاع ، حقیقی غنی ، وہی ذات ہے اور حقیقتا محتاج ، حقیقتاذ حقیقت ذلیل ، حقیقتا مطیع وہ انسان ہے جس کو اللہ کو اللہ نے پیدا کیا اور جو اپنے بقا میں ہر آن اس کے فضل کا محتاج ہے۔ اس فضل کے جذب کیلئے اطاعت فرض ہے۔ ( بدر جلد ۹ نمبر ۱۰ مورخه ۳۰ دسمبر ۱۹۰۹ ء صفحه (۲)