ملفوظات (جلد 9) — Page 103
ملفوظات حضرت مسیح موعود ۱۰۳ جلد نهم ( غلام فرید صاحب مرحوم ساکن چاچڑاں ) ہمارا معتقد تھا۔ نواب بہاولپور شاید اس نو جوانی کی عمر میں واپس آتا تو غلطیوں میں مرتکب ہو جاتا ۔ اس کا حسن خاتمہ بطور یادگار رہے گا۔ ( بوقت عصر ) آداب تلاوت ایک صاحب نے سوال کیا کہ قرآن شریف کس طرح پڑھا جاوے؟ حضرت اقدس نے فرمایا۔ قرآن شریف تدبر و تفکر اور غور سے پڑھنا چاہیے۔ حدیث شریف میں آیا ہے رُبَّ قَارِ يَلْعَنْهُ الْقُرْآنُ یعنی بہت ایسے قرآن کریم کے قاری ہوتے ہیں جن پر قرآن لعنت بھیجتا ہے۔ جو شخص قرآن پڑھتا اور اس پر عمل نہیں کرتا اس پر قرآن مجید لعنت بھیجتا ہے۔ تلاوت کرتے وقت جب قرآن کریم کی آیت رحمت پر گذر ہو تو وہاں خدا تعالیٰ سے رحمت طلب کی جاوے اور جہاں کسی قوم کے عذاب کا ذکر ہو تو وہاں خدا تعالیٰ کے عذاب سے خدا تعالیٰ کے آگے پناہ کی درخواست کی جاوے اور تدبرو غور سے پڑھنا چاہیے اور اس پر عمل کیا جاوے۔ یہ ڈائری اس وقت کی ہے جبکہ حضرت اقدس اندر امیر حبیب اللہ خان والی افغانستان کے مکان میں ہوتے ہیں اور اس کو صاحبزادہ حضرت مرزا محمود احمد صاحب نے لکھ کر اپنے رسالہ تشحیذ الاذہان کے جلد ۲ نمبرا میں درج کیا ہے۔ اور وہاں سے ہم نقل کرتے ہیں۔ امیر حبیب اللہ خاں والی افغانستان کی آمد پر فرمایا کہ لوگ اس کے لیے بڑے بڑے جلسے کرتے ہیں اور اس کے آنے پر خوش ہیں ۔ مگر ہم اس کا آنا نہ آنا برابر سمجھتے ہیں ہم اس آدمی کی پرواہی کیا کرتے ہیں جو خدا کے احکام پر عمل نہ کرے۔ ہمارا بادشاہ خدا ہے اور امیر حبیب اللہ اس کا مجرم ہے کیونکہ اس نے بلا کسی حق کے صاحبزادہ عبداللطیف کو الله صرف اس لیے کہ وہ گورنمنٹ انگریزی سے جہاد کو نا جائز قرار دیتے تھے قتل کیا اور پھر نہایت بے دردی کے ساتھ ۔ ایسے شخص کے لیے خدا تعالیٰ فرماتا ہے مَنْ يَقْتُلْ مُؤْمِنًا مُتَعَمِّدًا فَجَزَاؤُهُ الحکم جلد ا ا نمبر ۸ مورخه ۱۰ مارچ ۱۹۰۷ صفحه ۱۵