فتاویٰ حضرت مسیح موعود علیہ السلام

فتاویٰ حضرت مسیح موعود علیہ السلام — Page 72

فتاوی حضرت مسیح موعود علیہ الصلوۃ والسلام 72 (۹۰) فاتحہ خلف الامام پڑھنے کے محال ایک روز میں (حضرت پیر سراج الحق صاحب نعمانی ۔ ناقل ) نے دریافت کیا کہ الحمد کس موقعہ پر پڑھنی چاہئے ۔ فرمایا :۔ "جہاں موقعہ پڑھنے کا لگ جاوے۔" میں نے عرض کیا کہ امام کے سکوت میں؟ فرمایا:۔ " جہاں موقعہ ہو، پڑھنا ضرور چاہئیے ۔" ( تذکرہ المہدی مؤلفہ حضرت پیر سراج الحق صاحب نعمانی صفحہ 180 جدید ایڈیشن) (۹۱) رکوع میں ملنے والے کی رکعت ایک شخص نے سوال کیا کہ اگر جماعت ہو رہی ہے اور مقتدی کو رکوع میں ملنے کا موقعہ ملا۔ اب اس نے الحمد نہیں پڑھی۔ وہ رکعت اس کی ہو جاوے گی ؟ مولوی عبدالکریم صاحب بولے کہ وہ رکعت اس کی نہیں ہوگی ۔ حضرت اقدس نے فرمایا کہ وہ رکعت اس کی ہوگئی نہیں کیسے ہوگی ۔ بھلا ہم پوچھتے ہیں کہ اگر اس کو موقعہ ملتا کہ وہ الحمد پڑھ لیتا تو کیا وہ الحمد نہ پڑھتا ؟ مولوی صاحب نے عرض کیا کہ پڑھتا کیوں نہیں ، اس کا اعتقاد تو یہی ہے کہ الحمد پڑھ نے عرض کیا کہ ،اس تو ۔ لوں ۔ فرمایا نیت کے ساتھ اِنَّمَا الْأَعْمَالُ بِالنِّيَّاتِ دارو مدار ہے۔ اس کو اتنی مہلت نہیں ملی ، دل میں تو اس کا اعتقاد ہے۔ وہ رکعت اس کی ضرور ہو گئی۔ تذکرہ المہدی مؤلفہ حضرت پیر سراج الحق صاحب نعمانی صفحہ 180 ، 181 جدید ایڈیشن) (۹۲) سورہ مزمل و غیرہ کا وظیفہ } ایک شخص نے جو سورہ مزمل کا وظیفہ کیا کرتا تھا اور اب اس کو آوازیں وغیرہ سنائی دیتی ہیں۔ اپنی ان مشکلات کو عرض کیا۔ فرمایا۔ اب اس شغل کو چھوڑ دو ۔ شریعت نے رہبانیت کو اس لئے منع کیا ہے کہ اس سے دماغ پراگندہ ہو جاتا ہے۔ انبیاء علیہم السلام اس سے مستثنیٰ ہوتے ہیں۔