صحیح بخاری (جلد دوم) — Page 591
صحيح البخاری جلد ۲ ۵۹۱ ۲۱ - کتاب العمل في الصلاة ذرا آگے بڑھ کر اس کو قابو میں رکھا ہے۔ان کے اس فعل پر ایک خارجی نے اعتراض کیا۔جس پر انہوں نے نبی کریم صلی اللہ علیہ وسلم کے سلوک کا حوالہ دیا۔یعنی یہ کہ آپ مسائل میں شدت نہیں بلکہ سہولت کی راہ اختیار کرتے تھے اور کہا یہ مناسب نہیں کہ میدانِ جہاد میں گھوڑے کو چھوڑ کر ایک طرف تو میں بے سروسامان ہو جاؤں اور اس کی تلاش میں مارا مارا پھروں اور دوسری طرف نماز میں تشویش رہے کہ وہ کہاں چلا گیا ہے؟ اس سے بہتر تو یہ ہے کہ میں ایک قدم آگے بڑھ کر اس کو ٹھہر الوں۔اس واقعہ سے معلوم ہوتا ہے کہ صحابہ کرام کی نظر مسائل میں وسیع تھی۔امام بخاری نے دوسری روایت سے حضرت ابو برزہ کی رائے سے اتفاق کیا ہے کہ تھوڑی حرکت سے نماز نہیں ٹوٹی۔جیسا کہ نبی کریم صلی اللہ علیہ وسلم بحالت کشف آگے بڑھے اور پیچھے ہٹے اور اس سے آپ کی نماز میں کوئی فرق نہیں آیا۔عنوان باب میں قتادہ کے فتویٰ کا جو حوالہ دیا گیا ہے، وہ مسند عبدالرزاق میں منقول ہے اور اس میں یہ بھی ہے کہ اگر کنوئیں پر بچہ دیکھے تو نماز چھوڑ کر بچے کو سنبھالے۔(مصنف عبد الرزاق، كتاب الصلاة، باب الرجل يكون فى الصلاة فيخشى ان يذهب دابته او يرى الذى يخافه، روایت نمبر ۳۲۹۰ جز ۲ صفحه۲۶۲) تفصیل کے لیے دیکھئے: فتح الباری جز ۳۰ صفحہ ۱۰۶۔عمرو بن لحی : یہ خزاعہ قبیلے کا سردار تھا جو پہلے علاقہ یمن میں آباد تھے۔لیکن سیل ازم کے بعد اس قبیلہ نے وہاں سے ہجرت کی اور حجاز میں آگئے۔یہاں جرہم قبیلہ بہت کمزور ہو چکا تھا اور تاریخ قدیم سے پایا جاتا ہے کہ انہوں نے بیت اللہ کی حرمت کا پاس نہیں رکھا اور ظلم و تعدی میں حد سے بڑھ گئے۔خزاعہ قبیلہ ان پر غالب آیا اور ان کا سردار عمرو بن بھی بیت اللہ کا متولی ہوا اور قبائل عرب نے جو جر ہم قبیلے کے ظالموں سے تنگ آچکے تھے، بخوشی اس کی اطاعت قبول کی اور اس کے لنگر سے حاجی کھانا کھاتے اور تاریخ سے ثابت ہے کہ اسی شخص نے بیت اللہ میں بہت رکھوائے اور بت پرستی جاری کی اور بتوں کے نام پر سانڈ چھوڑے۔تاریخ میں یہ بھی ذکر آتا ہے کہ عمرو بن بھی اپنی شدید بیماری کے علاج کے لئے بعض لوگوں کے مشورے کے مطابق شام کی بلقاء وادی میں گیا۔جہاں ایک گرم چشمہ تھا۔جس میں نہانے سے بیمار شفایاب ہوتے ، اسے بھی شفاء ہوئی اور وہاں اس نے بعض بہت دیکھے جن کی عبادت کی جاتی تھی۔وہیں سے وہ بعض بہت لے آیا اور خانہ کعبہ میں لاکر رکھے اور لوگوں کو ان کی عبادت کی ترغیب دلائی۔شعراء جاہلیت میں سے بعض نے بھی اپنے شعروں میں اس امر کا ذکر کیا ہے۔تفصیل کے لئے دیکھئے شہرستانی کی کتاب الملل والنحل۔بلوغ الارب في تاريخ العرب۔اديان العرب في الجاهليه مؤلفه محمد نعمان الجارم -