قریباً دو صد صفحات پرحضرت مسیح موعود علیہ السلام اور آپ کے مقدس اصحاب کی جماعتی تاریخ سے چھوٹے چھوٹے، سبق آموز، انوکھے، دل پر اثر کرنے والے، اللہ پر توکل اور اس سے پیار بڑھانے والے واقعات جمع کئے گئے ہیں۔ حضرت اقدس مسیح ومہدی علیہ السلام کی پیدا کردہ پیاری جماعت میں ایسے پر اثر واقعات کی کثرت ہے جو آپؑ  کی قوت قدسی اور پیداکردہ اعجازی تبدیلیوں کا پتہ دیتے ہیں۔ یقیناً اس کتاب کے مواد کا مطالعہ افراد جماعت کے روحانی و اخلاقی حسن و اعلیٰ معیار کو مزید نکھارنے اور رفعتیں عطا کرنے کا باعث ہوگا۔