تحریک جدید ۔ ایک الٰہی تحریک (جلد ہفتم۔ 1985 تا 1987) — Page 802
خطبہ جمعہ فرمودہ 30اکتوبر 1987ء تحریک جدید - ایک الہی تحریک۔۔۔جلد ہفتم طرف توجہ کرنی چاہئے۔اور سب سے بہتر خدا تعالیٰ کے تشکر کا ذریعہ یہی ہے کہ انسان ہر ایسے موقع پر جس میں خدا تعالیٰ کے لئے کوئی عبادت کے لئے گھر تعمیر کیا جائے ، اپنی عبادت کے معیار کو بڑھانے کی کوشش کرے۔اس سے زیادہ معنی خیز ، اس سے زیادہ حقیقی شکر اور کسی طریق پر خدا تعالیٰ کا ادا نہیں ہوسکتا۔اس مختصر خطاب کے ساتھ ، جو اس مسجد سے تعلق میں ہے، میں اس خطاب کے دوسرے حصے کی طرف متوجہ ہوتا ہوں۔کیونکہ آج کے دن ہمارے لئے ایک اور پہلو سے بھی بڑا اہم دن ہے۔تحریک جدید جو اللہ تعالیٰ کے فضل کے ساتھ حضرت مصلح موعودؓ نے خدا تعالیٰ کی طرف سے ہونے والے القاء کے نتیجے میں 1934ء میں شروع کی تھی، یہ تحریک اب اپنے 54 ویں سال میں داخل ہو رہی ہے۔اور اس کو 53 سال آج مکمل ہوتے ہیں۔اس پہلو سے ہمیشہ سے یہی دستور رہا ہے، یعنی خلفاء کا کہ اس دن کے جمعہ کو یا اس سے پہلے جو آخری ہفتے میں جمعہ ہو، اس کو تحریک جدید سے متعلق وقت دیا جاتا ہے۔چنانچہ اب میں مختصر اتحریک جدید کے متعلق آپ سے کچھ باتیں کروں گا۔تحریک جدید کے کئی پہلو ہیں۔ایک پہلو تو انتظامی ہے، ایک پہلو ہے، دنیا نے اس تحریک سے کیا کچھ حاصل کیا اور ایک پہلووہ ہے، جس کا ہماری مالی قربانی سے تعلق ہے۔یہ خطبہ جمعہ جو آج دیا جا رہا ہے اور اس دن سے پہلے بھی دیا جاتارہا ہے، اس کا تعلق پہلے دو امور سے نہیں بلکہ صرف جماعت کی مالی قربانیوں سے متعلق ہے۔روایتا خلفاء پہلے مختصر اسال کی رپورٹ پیش کرتے ہیں اور اس کے بعد پھر نئے سال کے آغاز کا اعلان کرتے ہیں۔جہاں تک عمومی تاریخ کا تعلق ہے اور موازنہ کرنے کے لحاظ سے سال بہ سال تجزیے کا تعلق ہے، یہ بات تو ہر احمدی چھوٹا بڑا خوب اچھی طرح جانتا ہے کہ اللہ تعالیٰ کے فضل کے ساتھ ہر سال جماعت کا قدم ہر شعبے میں ترقی کی طرف رہا ہے۔اور دنیا کے حالات خواہ وہ کیسے بھی ہوں، کبھی بھی برے رنگ میں جماعت احمدیہ کی مالی قربانی پر اثر انداز نہیں ہو سکے۔شدید ترین مخالفتوں کے دور میں بھی اللہ تعالیٰ کے فضل سے جماعت احمدیہ ہر قسم کی مالی قربانی میں آگے ہی قدم بڑھاتی رہی ہے۔اور اس عمومی تاریخ کا اطلاق تحریک جدید کے ساتھ بھی اسی طرح ہے، جس طرح باقی دیگر امور کے ساتھ ہے۔چنانچہ اس سال بھی اللہ تعالیٰ کے فضل کے ساتھ جو یہ سال ختم ہورہا ہے ، ہمیں یعنی جماعت احمدیہ کو یہ توفیق ملی ہے کہ گزشتہ سالوں سے بڑھ کر وعدہ جات لکھوائے اور گزشتہ سالوں سے بڑھ کر وعدہ جات کو اس مدت کے اندر پورا کرنے کی سعی کر کے ان دونوں پہلوؤں سے اللہ تعالیٰ کے فضل سے یہ سال جوز یر تبصرہ ہے، گزشتہ سالوں سے بہت بہتر ہے۔802