تحریک جدید ۔ ایک الٰہی تحریک (جلد ہفتم۔ 1985 تا 1987) — Page 338
خطبہ جمعہ فرمودہ 04 اپریل 1986ء تحریک جدید - ایک الہی تحریک۔۔۔جلد ہفتم ہونا چاہئے۔جب وہ یہ حساب کر رہا تھا اور لڑکی اس کے لئے بے چاری پھل توڑ کر جوس بنا بنا کر پیش کر رہی تھی ، بادشاہ نے کہا: بیٹی ! بہت اچھا جوس ہے۔مجھے ایک گلاس اور بنا دو۔اس نے دوسرا گلاس بنا نا شروع کیا تو پندرہ میں پھل لگ گئے ، تب جا کر مشکل سے وہ گلاس بھرا۔بادشاہ نے بہت تعجب سے پوچھا کہ بیٹی ! یہ کیا قصہ ہے ؟ ابھی میں نے دیکھا تھا کہ تین، چار پھلوں کے اندر ہی گلاس بھر گیا تھا۔اب پتا لگا ہے کہ پندرہ ، میں پھل ہو گئے ہیں اور بڑی مشکل سے گلاس بھرا ہے۔تو اس نے جواب دیا: آپ جو بھی ہیں مگر میں آپ کو ایک بات بتاتی ہوں کہ ملک کی برکت بادشاہوں کی نیت سے ہوا کرتی ہے۔جب بادشاہوں کی نتیں اچھی ہوں، اپنی رعایا کے متعلق تو خدا تعالیٰ ملک کی فصلوں میں، اس کے پھلوں میں بہت برکت بخشا ہے۔جب بادشاہوں کی نیتیں بگڑ جائیں تو ملک کی ہر چیز پر نحوست طاری ہو جاتی ہے۔اس کے پھل بھی بگڑ جاتے ہیں، اس کے فصلیں بھی بگڑ جاتی ہیں۔یہ ایک ایسا گہر اسبق تھا اس بادشاہ کے لئے کہ اس نے اس کی زندگی میں اور اس کی سوچ میں ایک عظیم الشان انقلابی تبدیلی پیدا کر دی۔تو بعض دفعہ بے برکتی کے نتیجہ میں بھی نیتوں کے فساد کا پتہ چلتا ہے۔جب عمومی بے برکتی کہیں نظر آئے گی تو کوئی نہ کوئی رخنہ آپ کو دیکھنا پڑے گا، ضرور کہیں نہ کہیں کوئی رخنہ ملے گا۔اس لئے بیشتر اس کے کہ زیادہ تفصیل کے ساتھ چھان بین کی جائے۔تمام خدمت کرنے والے واقفین سے میں کہتا ہوں کہ اگر آپ کو اللہ تعالیٰ نے توفیق بخشی ہے کہ اپنے ہنر کے باوجود آپ نے اپنی زندگی جماعت کے سامنے پیش کی تو اس نیکی ، اس قربانی سے پورا پورا فائدہ اٹھائیں۔ورنہ اگر اس کے باوجود آپ نے دیانت داری سے کام نہ لیا اور یہ سمجھتے ہوئے کہ ہماری محنت ہے اس لئے اس میں سے ہم جتنا چاہیں لیں ، ہمارا حق بنتا ہے۔دوسرے ڈاکٹر لکھ پتی ہیں تو ہم کیوں غربت میں رہیں؟ اس نیت سے اگر اپنے دل کو طفل تسلی دیتے ہوئے کچھ روپیہ کانین شروع کیا تو ساری برکتیں آپ کی زندگی سے اٹھ جائیں گی۔وقف کا ایک کوڑی کا ثواب بھی نہیں ملے گا بلکہ الٹا خدا کی پکڑ کے نیچے آجائیں گے۔ایسے ڈاکٹر ، جو فیسوں کے معاملہ میں بددیانتی کر رہے ہوں۔آدھی جیب میں ڈال لی اور آدھی حساب میں لکھی۔یا ادویات کے معاملہ میں بد دیانتیاں کر رہے ہوں۔یا اخراجات لکھنے کے معاملہ میں بد دیانتیاں کر رہے ہوں۔کئی قسم کے امکانات، احتمالات ہیں، جن کے ذریعہ ڈاکٹر بد دیانتی کر سکتا ہے۔ان کو میں کہتا ہوں کہ آپ کا علاج صرف یہ ہے کہ وقف چھوڑ کر باہر چلے جائیں۔کیونکہ جب خدا نے آپ کو پاکیزہ رزق کمانے کی توفیق بخشی ہوئی ہے تو اسے حرام بنا کر کھانے کا فائدہ کیا ہے؟ نہایت ہی بیوقوفوں 338