تحریک جدید ۔ ایک الٰہی تحریک (جلد ہفتم۔ 1985 تا 1987) — Page 276
پیغام بر موقع اجتماع مجلس انصار اللہ اسلام آباد پاکستان تحریک جدید - ایک الہی تحریک جواب دیا اور کہا کہ جئت من حضرة الوتر یعنی میں اس کی طرف سے آیا ہوں، جوا کیلا ہے۔تب میں اس کو ایک طرف خلوت میں لے گیا اور میں نے کہا کہ لوگ پھرتے جاتے ہیں مگر کیا تم بھی پھر گئے؟ تو اس نے کہا کہ ہم تو تمہارے ساتھ ہیں۔تب میں اس حالت سے منتقل ہو گیا۔لیکن یہ سب امور درمیانی ہیں اور جو خاتمہ امر پر منعقد ہو چکا ہے، وہ یہی ہے کہ بار بار کے الہامات اور مکاشفات سے جو ہزار تک پہنچ گئے ہیں اور آفتاب کی طرح روشن ہیں، خدا تعالیٰ نے میرے پر ظاہر کیا کہ میں آخر کار تجھے فتح دوں گا اور ہر ایک الزام سے تیری بریت ظاہر کر دوں گا اور تجھے غلبہ ہوگا اور تیری جماعت قیامت تک اپنے مخالفوں پر غالب ہوگی۔اور فرمایا کہ میں زور آور حملوں سے تیری سچائی ظاہر کروں گا“۔وو (انوار الاسلام، روحانی خزائن جلد 19 صفحه 53,54) اسے تمام لوگو سن رکھو کہ یہ اس کی پیشگوئی ہے، جس نے زمین و آسمان بنایا۔وہ اپنی اس جماعت کو تمام ملکوں میں پھیلا دے گا اور حجت اور برہان کی رو سے سب پران کو غلبہ بخشے گا۔وہ دن آتے ہیں بلکہ قریب ہیں کہ دنیا میں صرف یہی ایک مذہب ہوگا ، جو عزت کے ساتھ یاد کیا جائے گا۔خدا اس مذہب اور اس سلسلہ میں نہایت درجہ اور فوق العادت برکت ڈالے گا۔اور ہر ایک کو، جو اس کے معدوم کرنے کا فکر رکھتا ہے، نامرادر کھے گا۔اور یہ غلبہ ہمیشہ رہے گا، یہاں تک کہ قیامت آجائے گی۔دنیا میں ایک ہی مذہب ہوگا اور ایک ہی پیشوا۔میں تو ایک تخم ریزی کرنے آیا ہوں۔سو میرے ہاتھ سے وہ تم بویا گیا اور اب وہ بڑھے گا اور پھولے گا اور کوئی نہیں، جو اس کو روک سکے۔(تذکرۃ الشہادتین، روحانی خزائن جلد 20 صفحہ 66,67) ان الہی نوشتوں کے مطابق جہاں ہر طلوع ہونے والا سورج جماعت احمدیہ کے لئے فتح و نصرت اور تائید خداوندی کی نوید لاتا ہے، وہاں ہم نے یہ بھی سوچنا ہے کہ ہم نے عملاً کس حد تک اس تقدیر کا ساتھ دیا، جس کا اظہار خدا تعالیٰ نے بار بار عاشق رسول حضرت مسیح موعود سے کیا۔276