تحریک جدید ۔ ایک الٰہی تحریک (جلد ہفتم۔ 1985 تا 1987) — Page 4
اقتباس از خطبه جمعه فرموده 04 جنوری 1985ء تحریک جدید - ایک الہی تحریک۔۔۔جلد ہفتم ہیں۔اور وہ مشکلات بھی دراصل اللہ کا فضل ہیں۔مشکلات یہ ہیں کہ وہ مساجد، جو پہلے ہمارے لئے کافی ہوا کرتی تھیں، اب کافی نہیں رہیں۔کچھ نئے آنے والے آئے ہیں، کچھ پرانے جو غافل تھے ، وہ بڑی تیزی کے ساتھ جماعت کی طرف دوبارہ پلٹے ہیں۔باہر جانے کی بجائے ان کا رخ اندر کی طرف ہو گیا ہے۔چنانچہ وہ مساجد، جو گذشتہ دوروں میں مجھے کافی محسوس ہوتی تھیں، اب تو بالکل اتنی چھوٹی دکھائی دی ہیں کہ حیرت ہے کہ ان سے ہمارے کام کیسے چل سکیں گے۔چنانچہ میں نے تو دو یوروپین مشنز کی تحریک کی تھی لیکن اب معلوم ہو رہا ہے کہ دو تو نہیں ، یہ تو لمبا سلسلہ چلنے والا ہے۔چنانچہ انگلستان کا جہاں تک تعلق ہے، خدا تعالیٰ نے آپ کو تو ایک بڑا وسیع مشن بھی عطا فر ما دیا لیکن پھر بھی جو دوسری ضروریات ہیں ، وہ پوری نہیں ہو سکتیں۔اس لئے یہاں بھی ہمیں جگہ جگہ نئی جگہیں خریدنا پڑیں گی۔اور اس کا ہم جائزہ لے رہے ہیں۔ایک خوشخبری یہ ہے کہ خدا تعالیٰ کے فضل سے گلاسگو میں ہمیں ایک بہت عظیم الشان عمارت خریدنے کی توفیق مل گئی ہے۔جو دہاں کی جماعت کا ایک حصہ سمجھتا ہے کہ بہت دیر تک ہماری ضروریات پوری ہوتی رہیں گی۔لیکن میں سمجھتا ہوں، وہ یہ باطنی کر رہے ہیں اپنے رب پر۔اگر بہت دیر تک ان کی ضروریات پوری ہوتی رہیں گی تو پھر وہ بڑھ نہیں رہے۔اس لئے میری تو دعا ہے کہ کل ضروریات ان کی پوری نہ ہو سکیں ، اتنی جلدی وہ پھیلیں اور نشو و نما پائیں اور اس تیزی سے آگے قدم بڑھا ئیں کہ ہم دیکھتے رہ جائیں کہ یہ عمارت چھوٹی ہو گئی اور جماعت اس سے بڑی ہو گئی۔اس لئے اب گلاسگو کی جماعت کو میری خاص نصیحت یہ ہے کہ خدا کی اس نعمت کا شکر اس رنگ میں ادا کریں کہ اس عمارت کو بھرنے کی کوشش کریں۔جلد سے جلد اور خدا کی رحمت پر توقع رکھیں کہ جب وہ بڑھیں گے تو خدا اور عمارتیں بھی عطا کر دے گا۔خدا تعالیٰ نے اس لحاظ سے جماعت کو کبھی بھی محروم نہیں رکھا۔جرمنی کا سفر میرا خصوصیت کے ساتھ اس لئے تھا کہ وہاں دوسرا ایوروپین مشن خریدنے کے لئے جائزہ لیا جائے۔لیکن جب ہم ہالینڈ میں اترے وہاں کی مسجد کو دیکھ کر ہمیں تعجب ہوا کہ ہالینڈ کی مسجد بھی چھوٹی ہوگئی ہے۔بہت سے لوگ جو پہلے تعلق نہیں رکھتے تھے، وہ کثرت کے ساتھ تعلق رکھنے لگے۔نئے نئے احمدی ان میں داخل ہوئے اور اللہ کے فضل سے وہ جو پہلے بڑی کھلی جگہ دکھائی دیا کرتی تھی، بالکل چھوٹی ہو کے رہ گئی ہے۔چنانچہ وہاں بھی خدا تعالیٰ نے توفیق دی۔اگر چہ دو، تین دن کا قیام تھا لیکن جماعت نے بھی بڑی بھاگ دوڑ کی، نئی جگہیں تلاش کیں اور اس جگہ کو بھی نئی وسعت دینے کے لئے آرکیٹکٹ بلا کر ان کے ساتھ معاملات طے ہوئے۔تو امید کرتے ہیں کہ انشاء اللہ تعالیٰ جلد خدا تعالیٰ کے۔4