تحریک جدید ۔ ایک الٰہی تحریک (جلد ششم۔ 1982 تا 1984) — Page 911
تحریک جدید - ایک الہی تحریک وو اقتباس از خطبه جمعه فرموده 24 اگست 1984ء دنیا بھر میں تبلیغی ثمرات اور افضال الہی خطبہ جمعہ فرمود و 24 اگست 1984ء جانی قربانی اور مالی قربانی اور جذبات کی قربانی سے متعلق اور ان جہات میں اللہ تعالیٰ کے فضلوں کا ذکر میں بارہا پہلے کرتا آیا ہوں۔اب میں تبلیغ کے موضوع پر آپ کو بتانا چاہتا ہوں کہ اللہ تعالیٰ کے فضل سے ساری دنیا میں تبلیغ کی ایک نئی روچل پڑی ہے۔اور ایسے ممالک، جہاں بہت ہی سست رفتار تھی ، وہاں بھی خدا کے فضل سے بڑی تیزی آرہی ہے۔اور ایسی قو میں، جن میں احمدیت کا نفوذ بہت ہلکا تھا، است روی پائی جاتی تھی، ان میں بھی بڑی تیزی سے اب جماعت کی طرف رجوع ہو رہا ہے۔چنانچه گذشتہ ایک، دوماہ کے اندر عربی بولنے والی قوموں میں سے خدا کے فضل سے 27 بیعتیں موصول ہوئی ہیں۔اور اہل عرب خالص بھی ہیں اور شمالی افریقہ کے عرب بھی اس میں شامل ہیں۔تو یہ رحجان پہلے نظر نہیں آتا تھا۔یورپ کے دو ممالک میں بلکہ تین میں خدا کے فضل سے عربوں نے وہاں بیعتیں کیں اور بڑے مخلص ہیں۔ڈنمارک میں تو اوپر تلے دو عرب نوجوانوں نے بیعتیں کی ہیں اور بڑی تیزی کے ساتھ وہ اخلاص میں ترقی کر رہے ہیں۔لٹریچر لے رہے ہیں، توجہ دلا رہے ہیں، مشورے دے رہے ہیں کہ کس طرح کو ہماری قوم میں تبلیغ ہونی چاہیے؟ اور اچھے خاصے وہاں کے تعلیم یافتہ اور اعلیٰ خاندانوں کے افراد ہیں۔تو یہ بھی ایک اللہ کا غیر معمولی فضل ہے، جس کو نظر میں رکھنا چاہیے۔صرف درد کے ساتھ دعا نہیں ہونی چاہیے، شکر کے ساتھ بھی دعا ہونی چاہیے۔یہ پہلو جو ہے، اس کو آپ نظر انداز نہ ہونے دیں، کبھی بھی۔کیونکہ درد سے ہلکی سی شکایت پیدا ہو جاتی ہے۔جتنا زیادہ ادب کا مقام ہو، اتنا انسان اس شکایت کو دبا لیتا ہے، اپنی آواز میں۔لیکن اس کی سسکیاں پھر بھی بیان کر دیتی ہیں اس شکایت کو چھپ تو نہیں سکتی۔اس لئے خدا کے حضور جہاں درد بھری سسکیاں لیتے ہیں، وہاں شکر کا بھی اظہار کیا کریں کہ ان اندھیروں میں بھی وہ روشنی کے سامان پیدا فرما رہا ہے۔جرمنی کے متعلق میں نے پہلے بھی ذکر کیا تھا کہ یورپ کے سب ملکوں میں سب سے آگے ہے، خدا کے فضل سے۔اور سو (100) کا جو میں نے ان کو سال کا ٹارگٹ دیا تھا، اس میں سے وہ نصف تک پہنچ 911