تحریک جدید ۔ ایک الٰہی تحریک (جلد پنجم ۔ 1974ء تا 1982ء) — Page 379
تحریک جدید- ایک الہبی تحریک۔۔۔جلد پنجم خطبہ جمعہ فرمودہ 28اکتوبر 1977ء چنانچہ غانا نے لکھا کہ وہ باہر سے کتابیں منگو انہیں سکتے، کیونکہ وہاں فارن ایکسچینج کی کمی ہے، اس لئے انہیں اجازت دیں کہ وہ اپنے ملک میں دس ہزار کی تعداد میں قرآن کریم مع انگریزی ترجمہ شائع کر دیں۔میں نے ان کو اجازت دے دی ہے، اب وہ شائع کر رہے ہیں۔امریکہ میں بھی جماعت بڑی ترقی کر رہی ہے۔عیسائیت کے ساتھ جن لوگوں کو پیار تھا مگر ایک انسان کو خدا بنانے کی وجہ سے شرک کرتے تھے ، ان میں سے کئی لوگ جماعت احمدیہ کی حقیر کوششوں کے نتیجہ میں مسلمان ہو چکے ہیں۔اور ان کے دلوں میں خدا تعالیٰ نے قرآن کریم کا بڑا پیار پیدا کر دیا ہے۔چار جلدوں پر مشتمل انگریزی تفسیر قرآن کریم وہاں اکثر دوستوں کے پاس موجود ہے۔پچھلے سال جب میں امریکہ گیا تو ایک دوست نے کہا کہ وہ تفسیر خریدنا چاہتے ہیں مگر ملتی نہیں۔دراصل ان کو علم نہیں تھا۔میں نے جب پتہ کروایا تو معلوم ہوا کہ 20 یا 24 سیٹ پڑے ہوئے تھے۔میں نے ان سے کہا تمہارا تو کام بن گیا۔لیکن میں نے متعلقہ دفتر سے کہا ہے کہ وہ انگریزی تفسیر دوبارہ شائع کرے۔پھر جب پولینڈ میں احمدیت گئی تو ساتھ ہی مطالبہ بھی ہو گیا کہ انہیں اسلام کا لٹریچر دیا جائے۔دو مہینے ہوئے ، ہمارے ایک مبلغ بعض اشترا کی ممالک میں گئے۔جہاں مسلمان بھی بستے ہیں۔مثلاً البانین بولنے والا علاقہ ، جس میں مسلمان بھی بستے ہیں اور وہ دو ملکوں میں بٹا ہوا ہے تو انہوں نے بھی مطالبہ کر دیا کہ ان کے پاس البانین زبان میں قرآن کریم کا کوئی ترجمہ نہیں ، ان کو تر جمہ کر کے دیا جائے۔پس کام تو بہت ہیں، جو کرنے والے ہیں۔اور ہماری ذمہ داریاں بھی بڑی ہیں۔اس لئے پیچھلے سال جب میں نے تحریک جدید کے نئے سال کا اعلان کیا تھا تو میں نے یہ کہا تھا کہ اگر چہ بیرونی ملکوں کی اکثر جماعتیں مالی لحاظ سے اپنے پاؤں پر کھڑی ہو گئی ہیں، لیکن تحریک جدید کی جو یہاں کی ضرورتیں ہیں، ان کو پورا کرنے کے لئے بجٹ میں اضافہ کی ضرورت ہے۔چنانچہ تحریک جدید کے بیالیسویں سال میں بجٹ نو لاکھ، پندرہ ہزار روپے کا تھا۔میں نے کہا تھا کہ یہ تو کافی نہیں ہے۔اس لئے پچھلے سال میں نے ٹارگٹ دیا تھا، پندرہ لاکھ روپے کا اور کہا تھا کہ اگر جماعت پندرہ لاکھ روپے مجھے کر دے تو تحریک جدید کی ضروریات پوری ہو جائیں گی۔تحریک جدید نے ساری جماعتوں کا حساب کر کے ہر ایک کو لکھا کہ وہ اپنے اپنے مجموعی بجٹ تحریک جدید میں 33 فیصد زائد کر دیں تو پندرہ لاکھ روپے کا یہ ٹارگٹ پورا ہو جائے گا۔چنانچہ خدا کی اس پیاری جماعت نے یہ ٹارگٹ قریباً پورا کر دیا ہے۔تھوڑا سا فرق رہ گیا ہے۔اور ہمیں پتہ ہے، کس جگہ تھوڑی سی کمزوری ہوئی ہے؟ 379