تحریک جدید ۔ ایک الٰہی تحریک (جلد اول۔ 1934 تا 1939) — Page 45
تحریک جدید - ایک الہی تحریک جلد اول لینے کے لئے پانچ پانچ روپے دے سکتے ہیں۔خطبہ جمعہ فرموده 23 نومبر 1934ء جماعت سے قربانی کا چھٹا مطالبہ یہ ہے کہ میں چاہتا ہوں کہ وقف کنندگان میں سے پانچ افراد کو مقرر کیا جائے کہ سائیکلوں پر سارے پنجاب کا دورہ کریں اور اشاعت سلسلہ کے امکانات کے متعلق مفصل رپورٹیں مرکز کو بھجوائیں۔مثلا یہ کہ کس علاقہ کے لوگوں پر کس طرح اثر ڈالا جا سکتا ہے؟ کون کون سے با اثر لوگوں کو تبلیغ کی جائے تو احمدیت کی اشاعت میں خاص مددمل سکتی ہے؟ کس کس جگہ کے لوگوں کی کس کس جگہ کے احمدیوں سے رشتہ داریاں ہیں کہ ان کو بھیج کر وہاں تبلیغ کرائی جائے وغیرہ وغیرہ۔پانچ آدمی جو سائیکلوں پر جائیں گے مولوی فاضل یا انٹرنس پاس ہونے چاہئیں۔تین سال کے لئے وہ اپنے آپ کو وقف کریں گے پندرہ روپیہ ماہوار ان کو دیا جائے گا۔تبلیغ کا کام ان کا اصل فرض نہیں ہو گا اصل فرض تبلیغ کے لئے میدان تلاش کرنا ہوگا وہ تبلیغی نقشے بنائیں گے گویا جس طرح گورنمنٹ سروے (SURVEY) کراتی ہے وہ تبلیغی نقطۂ نگاہ سے پنجاب کا سروے کریں گے۔ان کی تنخواہ اور سائیکلوں وغیرہ کی مرمت کا خرچ ملا کر سو روپیہ ماہوار ہوگا اور اس طرح کل رقم جس کا مطالبہ ہے 27۔5 ہزار بنتی ہے مگر اس میں سے 17۔5 ہزار کی فوری ضرورت ہے۔جو دوست اس میں حصہ لے سکیں فورا لیں۔عام چندے ان چندوں میں شامل نہیں۔اس تحریک میں بھی غربا کو حصہ دلانے کے لئے میں اجازت دیتا ہوں کہ جو لوگ پانچ پانچ روپیہ اس مد میں مدد دے سکیں وہ بھی اس میں حصہ لے سکتے ہیں خواہ یکمشت یا پانچ روپیہ ماہوار کر کے۔ہاں جو لوگ اس سے کم حیثیت رکھتے ہیں وہ نہ میرے مخاطب ہیں اور نہ ان کے ثواب میں کمی آتی ہے کیونکہ خدا تعالیٰ دلوں کو دیکھتا ہے۔اب آج کے خطبہ میں میں صرف یہ چھ مطالبات کرتا ہوں بقیہ باتیں اگلی دفعہ بیان کروں گا۔ایک بات سادہ زندگی کے متعلق ہے جس میں جو مرد، عورت، بچے شامل ہونا چاہیں وہ اپنا نام مجھے لکھ دیں۔دوسرے وہ جو 1/5 سے 1/3 حصہ تک اپنی آمدنیوں میں سے وقف کر سکیں تین سال تک ایسی رقم واپس نہیں ہو سکے گی اور تین سال کے بعد روپیہ یا جائیداد کی صورت میں واپس ہوگی۔تیسرے پراپیگنڈا کے لئے ایک کمیٹی بنائی گئی ہے جس کے لئے پندرہ ہزار روپیہ کی ضرورت ہے جس میں سے پانچ ہزار فوری طور پر چاہئے۔چوتھی بات یہ ہے کہ تین نئے ممالک میں دو دو کر کے چھ آدمیوں کو کچھ کرایہ یا خرچ دے کر بھیجا جائے اور ہر سال وہاں ایک ایک آدمی اور ضرور بھیجا جاتا رہے اس طرح بہت سے آدمی تھوڑے عرصہ میں 45