تذکرہ

تذکرہ — Page 594

۷؍ جون۱۹۰۶ء (الف) ۱۔’’بذریعہ الہامِ الٰہی معلوم ہوا کہ میاں منظور محمد صاحب کے گھر میں، یعنی محمدی بیگم کا ایک لڑکا پیدا ہوگا جس کے دو۲ نام ہوں گے۔۱۔بشیر الدّولہ ۲۔عَالَمْ کباب یہ ہر دونام بذریعہ الہامِ الٰہی معلوم ہوئے اور اِن کی تعبیر اور تفہیم یہ ہے۔۱۔بشیر الدَّولہ سے یہ مُراد ہے کہ وہ ہماری دولت اور اقبال کے لئے بشارت دینے والا ہوگا۔اُس کے پیدا ہونے کے بعد (یا اس کے ہوش سنبھالنے کے بعد ) زلزلہ عظیمہ کی پیشگوئی اور دوسری پیشگوئیاں ظہور میں آئیں گی اور گروہِ کثیر مخلوقات کا ہماری طرف رجوع کرے گا اور عظیم الشان فتح ظہور میں آئے گی۔۲۔عالَم کباب سے یہ مُراد ہے کہ اُس کے پیدا ہونے کے بعد چند ماہ تک یا جب تک کہ وہ اپنی بُرائی بھلائی شناخت کرے دنیا پر ایک سخت تباہی آئے گی۔گویا دنیا کا خاتمہ ہوجائے گا۔اِس وجہ سے اس لڑکے کا نام عالَم کباب رکھا گیا۔غرض وہ لڑکا اِس لحاظ سے کہ ہماری دولت اور اقبال کی ترقی کے لئے ایک نشان ہوگا بشیر الدّولہ کہلائے گا اور اِس لحاظ سے کہ مخالفوں کے لئے قیامت کا نمونہ ہوگا عالَم کباب کے نام سے موسوم ہوگا۔‘‘ (بدر جلد ۲ نمبر۲۴ مورخہ۱۴ ؍ جون ۱۹۰۶ء صفحہ ۲۔الحکم جلد ۱۰ نمبر۲۰ مورخہ۱۰؍ جون۱۹۰۶ء صفحہ۱) (ب) ۲۔’’اِس کے بعد معلوم ہوا کہ اس لڑکے کے دو نام اَور ہیں۔۱۔ایک شادی خان کیونکہ وہ اس جماعت کے لئے شادی کا موجب ہوگا۔۲۔دوسرے کلمۃ اللہ خان کیونکہ وہ خدا کا کلمہ ہوگا جو ابتداء سے مقرر تھا اس زمانہ میں پورا ہوجائے گا اور ضرور ہے کہ خدا اس لڑکے کی والدہ کو زندہ رکھے جب تک یہ پیشگوئی پُوری ہو اور گذشتہ الہام اے وارڈ اَینڈ ٹو گرل اِسی پیشگوئی کو بیان کرتا ہے جس کے معنے ہیں ایک کلمہ اور دو لڑکیاں۔کیونکہ میاں منظور محمد کی دو لڑکیاں ہیں اور جب کلمۃ اللہ پیدا ہوگا تب یہ بات پُوری ہوجائے گی ایک کلمہ اور دو لڑکیاں۔‘‘ (بدر جلد ۲ نمبر۲۴ مورخہ۱۴ ؍ جون ۱۹۰۶ء صفحہ ۲ حاشیہ) (ج) ’’۱۔اللہ تعالیٰ اُس کو سلامت رکھنا نہیں چاہتا۔خدا تمہیں سلامت رکھے۔۲۔یَنْصُـرُکَ۱؎ رِجَالٌ نُّـوْحِیْ اِلَیْـھِمْ مِّنَ السَّمَآءِ۔۳۔یَـاْتُوْنَ مِنْ کُلِّ فَـجٍّ عَـمِیْقٍ۔۴۔یَـاْتِیْکَ مِنْ کُلِّ ۱ (ترجمہ از مرتّب) ۲۔وہ لوگ تیری مدد کریں گے جن کو ہم آسمان سے وحی کریں گے۔۳۔ہر ایک دُور کی راہ سے آئیں گے ۴۔ہر ایک دُور