تاریخ احمدیت (جلد 16) — Page 543
پہلی بات سورۂ فاتحہ کی پہلی آیت الحَمْدُ لِلهِ رَبِّ الْعَالَمِین میں بیان کی گئی ہے اس میں بتایا گیا ہے کہ سب تعریفیں اللہ تعالے کے لئے ہی ہیں اور اس کی وجہ آیت کے پچھلے حقیہ میں بتائی گئی ہے کہ وہ رب العالمین ہے یعنی تمام کے تمام افراد کے ساتھ اس کا سلوک ربوبیت کا ہے طبعیت کی کمزوری کی وجہ سے ربوبیت اور عالمیت کے متعلق کچھ نہیں کہ سکتا موٹا مفہوم مختصراً یہ ہے کہ ہر قسم کی مرح کا وہی مستحق ہوتا ہے اور ہر قسم کی مدرج لوگ اس کی کرتے ہیں جس کی ربوبیت کسی خاص قوم اور فرقہ سے تعلق نہیں رکھتی بلکہ وسیع ہوتی ہے مثلاً امریکہ اور روس کی حکومت ہے۔امریکہ اپنے آپ کو ڈیما کریسی کا لیڈر سمجھتا ہے اور روس اپنے آپ کو عوامی تحریکوں کا لیڈر سمجھتا ہے لیکن اگر دونوں کو دیکھا جائے تو امریکنوں کی ساری طاقت امریکنوں کی ترقی پر خرچ ہوتی ہے اور روس کی ساری طاقت روسیوں کی ترقی پر خرچ ہوتی ہے روس ان لوگوں کے لئے کچھ نہیں کرتا جو دنیا کے دُور کناروں پر بس رہے ہیں اور دنیا کی تمام آسائشوں سے محروم ہیں اور نہ امریکہ اس بارہ میں کچھ کرتا ہے روس کرتا ہے تو یہی کہ اپنے خیالات دوسرے لوگوں میں پھیلا دیتا ہے تا وہ لوگ اپنی حکومت کے خلاف کھڑے ہو جائیں اسی طرح اگر امریکن دوسرے لوگوں کو امداد دیتے ہیں تو اس میں بھی اپنے فوائد مد نظر ہوتے ہیں اگر اس امداد سے وہ ملک اپنے حالات کو درست بھی کر لے تو پھر بھی یہ نہیں کہا جا سکے گا۔کہ امریکہ نے دوسرے لوگوں کی مدد کی۔بلکہ وہ بھی ان کی اپنی ہی مدد ہو گی۔اس طرح روس بھی ہر دوسرے ملک کو مدد دیتے وقت اپنے فوائد کو بھی ملحوظ رکھتا ہے نہ کہ عوام الناس کے فوائد کو حقیقی مدح اس وقت ہوتی ہے جب بغیر غرض کے لوگوں کو اونچا کیا جائے جیسے اللہ تعالے قرآن کریم میں فرماتا ہے کہ تمہاری عبادتیں مجھے فائدہ نہیں پہنچانتیں اور تمہاری قربانیوں کا گوشت مجھے نہیں پہنچتا بلکہ تم یا تمہارے ہمسائے کھاتے ہیں۔مجھے صرف تمہارے دل کی صفائی کی ضرورت ہے حقیقی تعریف کے مستحق وہی حکومت ہوگی جو اس آیت کے ماتحت کام چلائے گی۔اور وہی ٹھیک امن قائم کر سکے گی۔مثلاً اگر روس بغیر اپنا رسوخ قائم کرنے کے صرف غرباء کو اٹھانے کے لئے روپیہ خرچ کرے تو یقینا روس کی سچی محبت قائم ہوگی لیکن موجودہ حالات میں حقیقی محبت قائم نہیں ہوتی۔جس کو امریکہ سے فائدہ پہنچ جاتا ہے وہ اس کی تعریف کرتا ہے جس کو روس سے فائدہ پہنچ جاتا ہے وہ اس کی تعریف کرتا ہے نہ یہ فائدہ مکمل نہ یہ تعریف کامل۔کامل