تاریخ لجنہ اماءاللہ جلد دوم — Page 529
529 نہایت افسوس سے کہنا پڑتا ہے کہ امتحان میں سارے پاکستان میں سے صرف ایک سوامتحان دینے والی شامل ہوتی ہیں۔سال میں تین دفعہ امتحان ہوتے ہیں۔اگر آپ کوشش کریں اور ہر بہن جواردو پڑھنا لکھنا جانتی ہے امتحانوں میں شامل ہو تو سال بھر میں دینیات کے حصول کا بہت بڑا فائدہ سب کو پہنچ سکتا ہے۔تعلیم کے ساتھ دوسرا شعبہ تربیت کا ہے۔اس کا ذکر خدمت خلق کے شعبہ کے ساتھ ہو چکا ہے۔اس شعبہ کے ماتحت جہاں آپ دیگر برائیوں غیبت، جھوٹ اور عیب جوئی وغیرہ کو دور کریں وہاں بے پردگی کو بھی دور کرنے کی کوشش کریں۔حضرت امیرالمومنین ایدہ اللہ تعالیٰ نے بے پردگی کو دور کرنے کی طرف خاص طور پر توجہ دلائی ہے۔آپ بے پردہ عورتوں سے کہیں کہ اگر آپ نے اسلام اور احمدیت کو سچا سمجھ کر مانا ہے تو آپ کو پردہ بھی کرنا پڑے گا۔بیعت کے وقت آپ یہ عہد کرتی ہیں کہ جو نیک کام آپ بتائیں گے اس پر ہم عمل کریں گی۔تو اگر آپ اسلام کو مان کر پھر پردہ ترک کرتی ہیں تو یقیناً آپ بیعت کے عہد کو تو ڑ رہی ہوتی ہیں۔آپ کو علم ہے کہ رسول کریم ﷺ کی ازواج مطہرات پردہ کرتی تھیں جو کہتی ہیں کہ پردہ اسلامی رکن نہیں ہے کیا وہ ایک بے بنیاد بات نہیں کہتیں۔پس جو پردہ کو چھوڑتی ہیں وہ آنحضرت علی ہے کا انکار کرتی ہیں کیونکہ پر وہ اسلام کا اور خاتم النبین کا حکم ہے اس لئے وہ رسول کریم ﷺ اور اس کے مسیح موعود علیہ السلام اور اس کے خلیفہ کی مجرم ہیں۔مسجد ہالینڈ مستورات کے چندہ سے تعمیر ہوئی ہے۔آپ کی کوششوں اور قربانیوں کے نتیجہ میں اس دور دراز ملک میں پانچوں وقت اللہ کا نام بلند ہوتا ہے اور پانچوں نمازیں پڑھی جاتی ہیں۔اس مسجد کے اخراجات میں سے اب صرف بارہ ہزار روپیہ قرض ہم پر رہ گیا ہے۔آپ سے درخواست ہے کہ آپ اپنی کوششوں کو جاری رکھیں اور بقیہ رقم ادا کرنے میں پوری مستعدی دکھا ئیں۔وقت ختم ہو گیا ہے اس لئے باقی شعبہ جات کا ذکر کئے بغیر صرف دو باتیں کہہ کر تقریر ختم کرتی ہوں۔آپ دوسری چیزوں پر پیسے صرف کرتی ہیں لیکن نمائش کے لئے نہیں جاتیں نمائش میں صرف مرکز کی چیزیں نہیں ہوتیں بلکہ باہر کی جماعتوں کی بھی ہوتی ہیں۔اگر آپ نمائش کو دیکھیں گی تو جو نقائص آپ کو نظر آئیں گے ان کو دور کرنے کی کوشش کی جائے گی اور آپ کا رآمد چیزیں بھجواسکیں گی۔