حضرت مسیح موعود علیہ السلام کی تعلیم فہم قرآن — Page 86
86 اٹھارویں فصل صلى الله تکمیل اشاعت ہدایت کے اعتبار سے آنحضرت نے کے وقت میں تکمیل اشاعت کیلئے وسائل پیدا نہیں ہوئے تھے اس وقت کے تمام مخالف مولویوں کو ضرور یہ بات مانی پڑے گی کہ چونکہ آنحضرت ﷺ خاتم الانبیاء تھے اور آپ کی شریعت تمام دنیا کیلئے عام تھی اور آپ کی نسبت فرمایا گیا تھا وَلَكِنْ رَّسُوْلَ اللهِ وَخَاتَمَ النبيّن (الاحزاب: 41) اور نیز آپ کو یہ خطاب عطا ہوا تھا۔قُلْ اَيُّهَا النَّاسُ إِنِّي رَسُولُ اللَّهِ إِلَيْكُمْ جَمِيعًا (الاعراف: 159) سواگر چہ آنحضرت ﷺ کے عہد حیات میں وہ تمام متفرق ہدایتیں جو حضرت آدم سے حضرت عیسی تک تھیں۔قرآن شریف میں جمع کی گئیں لیکن مضمون آیت قُلْ يَا يُّهَا النَّاسُ إِنِّي رَسُولُ اللَّهِ إلَيْكُمْ جَمِيعًا آنحضرت ﷺ کی زندگی میں عملی طور پر پورا نہیں ہوسکا۔کیونکہ کامل اشاعت اس پر موقوف تھی کہ تمام ممالک مختلفہ یعنی ایشیا اور یورپ اور افریقہ اور امریکہ اور آبادی دنیا کے انتہائی گوشوں تک آنحضرت علی کی زندگی میں ہی تبلیغ قرآن ہو جاتی اور یہ اس وقت غیر ممکن تھا بلکہ اس وقت تک تو دنیا کی کئی آبادیوں کا ابھی پتہ بھی نہیں لگا تھا اور دور دراز سفروں کے ذرائع ایسے مشکل تھے کہ گویا معدوم تھے بلکہ اگر وہ ساٹھ برس الگ کر دئے جائیں جو اس عاجز کی عمر کے ہیں تو 1257 ہجری تک بھی اشاعت کے وسائل کا ملہ گویا کا لعدم تھے اور اس زمانہ تک امریکہ کل اور یورپ کا اکثر حصہ قرآنی تبلیغ اور اس کے دلائل سے بے نصیب رہا ہوا تھا بلکہ دور دور ملکوں کے گوشوں میں تو ایسی بے خبری تھی کہ گویا وہ لوگ اسلام کے نام سے بھی ناواقف تھے۔غرض آیت موصوفہ بالا میں جو فرمایا گیا تھا کہ اے زمین کے باشندو! میں تم سب کی طرف رسول ہوں عملی طور پر اس آیت کے مطابق تمام دنیا کو ان دنوں سے پہلے ہرگز تبلیغ نہیں ہوسکی اور نہ اتمام حجت ہوا کیونکہ وسائل اشاعت موجود نہیں تھے اور نیز زبانوں کی اجنبیت سخت روک تھی اور نیز یہ کہ دلائل حقانیت اسلام کی واقفیت اس پر موقوف تھی کہ اسلامی ہدایتیں غیر زبانوں اور میں ترجمہ ہوں اور یا وہ لوگ خود اسلام کی زبان سے واقفیت پیدا کر لیں اور یہ دونوں امر اس وقت غیر ممکن تھے۔لیکن قرآن شریف کا یہ فرمانا کہ وَ مَنْ بَلَغ (انعام:20 ) یہ امید دلاتا تھا کہ ابھی اور بہت سے لوگ ہیں جو بھی تبلیغ قرآنی ان تک نہیں پہنچی ایسا ہی آیت وَ آخَرِيْنَ مِنْهُمْ لَمَّا يَلْحَقُوا بِهمْ (الجمعة: 4) اس بات کو ظاہر کر رہی تھی کہ گو آنحضرت ﷺ کی حیات میں ہدایت کا ذخیرہ کامل ہو گیا مگر ابھی اشاعت ناقص ہے۔(تحفہ گولڑویہ۔رخ جلد 17 صفحہ 261-260)