سلسلہ احمدیہ — Page 501
501 بغداد پر انگریزوں کا قبضہ ہوا ہے تو قادیان میں چراغاں جلائے گئے تھے کہ نہیں۔یہ اعتراض بھی بار بار کیا جاتا ہے کہ جب پہلی جنگ عظیم میں انگریز افواج نے بغداد پر قبضہ کیا تو قادیان میں چراغاں کیا گیا تھا۔پہلی بات یہ ہے کہ چراغاں بغداد کی فتح پر نہیں ہوا تھا بلکہ جب اتحادیوں نے جرمنی کو شکست دی ہے اور پہلی جنگ عظیم کا خاتمہ ہوا ہے اس وقت ہوا تھا۔بغداد پر قبضہ مارچ ۱۹۱۷ ء میں اور پہلی جنگ عظیم کا خاتمہ ۱۹۱۸ ء کے آخر میں ہوا تھا۔اور صرف قادیان میں نہیں بلکہ پورے ہندوستان میں کئی مقامات پر یہ چراغاں کیا گیا تھا۔لیکن یہ اعتراض اٹھانے والے اپنی دانست میں بہت بڑا اعتراض اُٹھاتے ہیں۔جب ہم نے انٹرویو کے دوران صاحبزادہ فاروق علی خان صاحب سے اس سوال کا ذکر کیا تو انہوں نے کہا کہ مجھے یہ سوال یا د ہے اور یہ سوال کرنے کی وجہ یہ تھی کہ اس سے یہ ثابت ہوتا تھا کہ احمدیوں نے ہمیشہ اپنے آپ کو دوسرے مسلمانوں سے علیحدہ رکھا ہے۔اور مسلم دنیا کے ساتھ منسلک نہیں ہوتے تھے۔اس لئے اس کے Downfall کو Welcome کیا۔پہلی بات یہ ہے کہ جب جنگ عظیم کا خاتمہ ہوا تو ترکی کی سلطنت عثمانیہ کو پہلے ہی شکست ہو چکی تھی اور اس موقع پر ترکی کی شکست پر نہیں بلکہ جرمنی کی شکست پر جشن منایا گیا تھا۔اور اگر ہم یہ معیار تسلیم کر لیں کہ پہلی جنگ عظیم میں جس کی ہمدردیاں انگریزوں کے ساتھ تھیں وہ اپنے آپ کو مسلمانوں سے علیحدہ رکھنا چاہتا تھا۔اور یہ اتنا بڑا جرم ہے کہ اس کو قانونِ پاکستان میں غیر مسلم قرار دینے کی ایک وجہ بن سکتا ہے۔تو ہمیں یہ دیکھنا پڑے گا کہ پہلی جنگ عظیم کے دوران ہندوستان کے مسلمانوں میں سے کس کس کی ہمدردیاں انگریزوں کے ساتھ تھیں۔پھر اسی کلیہ کی رو سے یہ بھی ماننا پڑے گا کہ ان کے متعلق بھی یہی خیالات روار کھے جائیں۔جب ۱۹۱۴ء میں پہلی جنگ عظیم کا آغاز ہوا تو مسلمانان برصغیر کا رد عمل کیا تھا، اس کا اندازہ اس مواد سے لگایا جا سکتا ہے جو کہ پنجاب یونیورسٹی کی ریسرچ سوسائٹی آف پاکستان نے ایک کتاب میں جمع کیا ہے۔جب پہلی جنگ عظیم کا آغاز ہوا تو پنجاب کی Legislative Council نے متفقہ طور پر ایک قرارداد منظور کی۔اس کونسل میں مسلمان ، ہندو اور سکھ نمائندگان شامل تھے۔اس قرار داد میں یہ درج تھا کہ ہم ایمپائر کے بادشاہ کو اپنی وفاداری کا یقین دلاتے ہیں اور یہ یقین دلاتے ہیں کہ ایمپائر کے دشمنوں کے خلاف جو بھی مدد درکار ہوگی یہ صوبہ اس کو فراہم کر دیگا۔