سیرت النبی ﷺ (جلد سوم)

سیرت النبی ﷺ (جلد سوم) — Page 263

سيرة النبي علي 263 جلد 3 و, حضرت مسیح کو زندہ آسمان پر ماننے کا عقیدہ آنحضور ﷺ کی شان کے خلاف ہے علی حضرت مصلح موعود نے دعوت الی اللہ کو موثر بنانے کے لئے ”ندائے ایمان کے عنوان سے اشتہارات کا ایک سلسلہ جاری فرمایا۔اس کا پہلا نمبر 17 جنوری 1930 ء کو لکھا۔درج ذیل اشتہار اس سلسلہ کا دوسرا نمبر ہے۔آپ تحریر فرماتے ہیں:۔رسول کریم ﷺ کی ذات مبارک کچھ ایسی کفر توڑ ہے کہ ہر شخص جس کے دل میں کفر کی کوئی رگ ہو آپ سے دشمنی رکھتا ہے اور آپ کی مقدس ذات پر حملہ کرنا اپنا فرض سمجھتا ہے کیونکہ وہ محسوس کرتا ہے کہ آپ کی ترقی میں اس کا زوال اور آپ کی زندگی میں اس کی موت ہے۔اسی وجہ سے جس قدر حملے رسول کریم ﷺ کی ذات پر ہوئے ہیں اور کسی نبی پر خواہ عرب کا ہو یا شام کا، ہندوستان کا ہو یا ایران کا نہیں ہوئے۔لیکن جیسا کہ میں نے بتایا ہے دشمنان اسلام آپ پر حملہ کرنے میں ایک حد حم تک معذور ہیں کیونکہ اسلام کے ذریعہ سے ان کے مکروں اور حیلوں کا تانا بانا ٹوٹتا ہے اور ہر ایک کو اپنی جان پیاری ہوتی ہے۔لیکن تعجب ہے ان لوگوں پر جو اسلام سے محبت کا دعویٰ رکھتے ہیں، قرآن کریم پر ایمان ظاہر کرتے ہیں، درود پڑھتے اور سلام بھیجتے ہیں لیکن باوجود اس کے رسول کریم ﷺ کی ذات پر حملہ کرنے سے نہیں ڈرتے اور ایسے عقائد پھیلاتے ہیں جن سے رسول کریم صلی اللہ علیہ وسلم کی مبارک ذات کی سخت ہتک ہوتی ہے اور اس طرح عوام الناس کے دلوں سے آپ کی محبت کم کرتے ہیں۔