سیرت مسیح موعود علیہ السلام — Page 41
سیرت حضرت مسیح موعود علیہ السلام ۴۱ حصّہ اوّل قمیص کے کفوں کے متعلق بھی اسی قسم کے الفاظ فرمائے تھے۔خاکسار(حضرت صاحبزادہ صاحب ) عرض کرتا ہے کہ شیخ صاحب موصوف آپ کے لئے انگریزی طرز کی گرم قمیص بنوا کر لایا کرتے تھے۔آپ انہیں استعمال تو فرماتے تھے مگر انگریزی طرز کی کفوں کو پسند نہیں فرماتے تھے۔کیونکہ اول تو کفوں کے بٹن لگانے سے آپ گھبراتے تھے دوسرے بٹنوں کے کھولنے اور بند کرنے کا التزام آپ کے لئے مشکل تھا۔بعض اوقات فرماتے تھے کہ یہ کیا کان سے لٹکے رہتے ہیں۔خاکسار (صاحبزادہ صاحب) عرض کرتا ہے کہ لباس کے متعلق حضرت مسیح موعود کا عام اصول یہ تھا کہ جس قسم کا کپڑا مل جاتا تھا پہن لیتے تھے۔مگر عموما انگریزی طریق لباس کو پسند نہیں فرماتے تھے کیونکہ اول تو اسے اپنے لئے سادگی کے خلاف سمجھتے تھے دوسرے آپ ایسے لباس سے جو اعضاء کو جکڑا ہوار کھے بہت گھبراتے تھے۔گھر میں آپ کے لئے صرف ململ کے گرتے اور پگڑیاں تیار ہوتی تھیں۔باقی سب کپڑے عموما ہدیہ آپ کو آ جاتے تھے۔( یہ اس زمانہ کی بات ہے جب آپ نے دعویٰ مسیح موعود اور مہدی مسعود کا کیا۔اس سے پہلے کپڑے گھر میں تیار ہوتے تھے۔عرفانی) وو والدہ صاحبہ (حضرت ام المومنین ) بیان کرتی ہیں کہ میں حضرت صاحب کے واسطے ہر سال نصف تھان کے گرتے تیار کیا کرتی تھی لیکن جس سال آپ کی وفات ہونی تھی میں نے پورے تھان کے گرتے تیار کئے۔حضرت صاحب نے مجھے کہا بھی کہ اتنے گرتے کیا کرنے ہیں مگر میں نے تیار کر لئے ان میں سے اب تک بہت سے گرتے بے پہنے میرے پاس رکھے ہیں۔“ (سیرت المہدی جلد اوّل روایت نمبر ۸۳ مطبوعه ۲۰۰۸ء) لباس شب 66 صاحبزادہ صاحب بروایت حضرت ام المومنین تحریر فرماتے ہیں کہ حضرت مسیح موعود علیہ السلام کی یہ عادت تھی کہ ہمیشہ رات کو سوتے ہوئے