نجم الہدیٰ — Page xxi
سے واقف ہو جائے اور عام خیال کے مسلمان اور اُن کے مولوی جو فرقہ احمدیہ سے دلی عناد اور حسد رکھتے ہیں اگر حسد کی وجہ سے خلاف واقعہ امور گورنمنٹ تک پہنچائیں تو گورنمنٹ کے اعلیٰ افسر اس حقیقت کی بنا پر صحیح رائے قائم کر سکیں۔اس لئے آپ نے اس رسالہ میں مختصر طور پر پہلے اپنے خاندانی حالات کا تذکرہ کیا ہے اور پھر اپنے مشن کے اصولوں اور ہدایات اور تعلیم کا ملخص بیان فرمایا ہے۔اور ان غلط فہمیوں کا ازالہ کیا ہے جو آپؑ کے اور آپ کے سلسلہ سے متعلق معاندین سِلسلہ پھیلا رہے تھے۔خصوصاً مولوی محمد حسین بٹالوی کے اس الزام کا کہ آپ گورنمنٹ انگریزی کے بدخواہ ہیں اور درپردہ باغیانہ ارادے رکھتے ہیں۔تفصیل سے جواب دیا ہے۔نیز محمد حسین بٹالوی سے اس مباہلہ سے متعلق سیر کن بحث کی ہے جو مولوی محمد حسین بٹالوی کے دوشاگردوں مولوی ابو الحسن تبّتی اور مولوی محمد بخش جعفرزٹلی کے اشتہارات مورخہ ۲۱؍ اکتوبر ۱۸۹۸ ء اور ۱۰؍ نومبر ۱۸۹۸ ء کو پڑھ کر ۲۱؍ نومبر ۱۸۹۸ء کے اشتہار میں شائع کیا تھا اور اس کی تشریح ۳۰؍ نومبر ۱۸۹۸ ء کے اشتہار میں کی تھی اور ضمیمہ رسالہ کشف الغطاء میں مولوی محمد حسین بٹالوی کے اس انگریزی رسالہ کے متعلق ذکر فرمایا ہے جس میں اس نے عام مولویوں کے عقیدہ کے برخلاف گورنمنٹ کو یہ یقین دلانے کی کوشش کی تھی کہ وہ ایسے مہدی کے قائل نہیں جو مسیح کے آسمان سے اُترنے کے وقت کافروں سے برسر پیکار ہو گا اور کافروں کو قتل کرے گا۔حضرت اقدس نے اس کے اس عقیدہ کو بوجوہ قاطعہ منافقانہ ثابت کیا۔(صفحہ ۲۱۷تا۲۲۱ جلد ھٰذا) اور اس کے اس الزام کا بھی جواب دیا ہے کہ گویا آپ نے اس مضمون کا کوئی الہام شائع کیا ہے کہ گورنمنٹ عالیہ کی سلطنت آٹھ سال کے عرصہ میں تباہ ہو جائے گی۔اور گورنمنٹ سے التماس کی ہے کہ وہ اس خلاف واقعہ مخبری کا اس شخص سے مطالبہ کرے۔(صفحہ ۲۱۶جلد ھٰذا) ایّام الصلح حضرت اقدس علیہ السلام کے اشتہار مؤرخہ ۶؍ فروری ۱۸۹۸ ء دربارہ طاعون کے پڑھنے کے بعد بعض نے یہ اعتراض کیا کہ لوگوں کو اوّل یہ بتانا کہ طاعون کے استیصال کے لئے فلاں تدبیر یا فلاں دوا ہے اور پھر یہ کہنا کہ شامتِ اعمال سے یہ مرض پھیلتی ہے۔ان دونوں باتوں میں تناقض ہے۔اس کتاب کے شروع