برکاتُ الدُّعا — Page 15
روحانی خزائن جلد ۶ ۱۵ بركات الدعاء ناظرین با انصاف میرے اس بیان کو غور سے پڑھ کر سمجھ سکتے ہیں کہ میں نے سید صاحب کی غلط ۱۲۶ فہمی کا ثبوت کافی دے دیا ہے۔ ماسوا اس کے اگر سید صاحب اب بھی اپنی ہٹ دھرمی سے باز نہ آویں تو ایک دوسرا طریق بھی اُن پر حجت پورا کرنے کے لئے لکھا گیا ہے۔ اگر وہ طالب حق ہونگے تو اعراض نہیں کریں گے ۔ اور سید صاحب کی دوسری کتاب جس کا نام تحریر فی اصول التفسیر ہے۔ اُن کی اس کتاب سے بالکل مناقض اور مغائر پڑی ہوئی ہے ۔ گویا سید صاحب نے کسی مدہوشی کی حالت میں یہ دونوں رسالے لکھے ہیں ۔ کیونکہ سید صاحب استجابت دعا کے رسالہ میں تو تقدیر کو مقدم رکھتے ہیں۔ اور اسباب عادیہ کو گو یا بیچ خیال کرتے ہیں اور اسی بنا پر استجابت دعا سے انکار کرتے ہیں کیونکہ دعا منجملہ اسباب عادیہ کے ہے جس پر ایک لاکھ سے زیادہ نبی اور کئی کروڑ ولی گواہی دیتا چلا آیا ہے اور نبیوں کے ہاتھ میں بجز دعا کے اور کیا تھا۔ ا حاشیه : قطب ربانی و غوث سبحانی سید عبد القادر جیلانی رضی اللہ عنہ نے جس قدر اپنی کتاب فتوح الغیب میں کامل کی توجہ اور دعا کا اثر اپنے تجارب کے رو سے لکھا ہے۔ ہم عام فائدہ کے لئے وہ عبارتیں معہ ترجمہ ذیل میں لکھتے ہیں۔ اس تحریر سے مطلب یہ ہے کہ ہر ایک فن میں اسی شخص کی شہادت معتبر سمجھی جاتی ہے جو اس فن کا متفق ہوتا ہے۔ پس اس بنا پر استجابت دعاء کی فلاسفی اس شخص کو بچے طور پر معلوم ہو سکتی ہے جس کو خداوند تعالیٰ سے بچے تعلقات صدق اور محبت کے حاصل ہوں ۔ پس سید احمد خان صاحب سے اس پاک فلاسفی کا دریافت کرنا ایسا ہے جیسے ایک بیطار سے کسی انسان کی مرض کا علاج پوچھنا۔ سید صاحب اگر کسی د نیوی گورنمنٹ کے تعلقات اُن کی رعایا کے ساتھ بیان کریں تو بلا شبہ وہ اس بات کے لائق ہیں مگر خدا تعالیٰ کی باتیں خدائی لوگ جانتے ہیں۔ اور وہ عبارت یہ ہے :۔ فاجعل انت جملتک و اجزاء ک اصنامًا مع سائر الخلق ولا تطع شيئًا من ذالك ولا تتبعه جملة فتكون كبريتا احمر فلا تكاد ترى فحينئذٍ تكون وارث كل نبی و رسول و بک تختم الولاية و تنكشف الكروب و بک تسقى الغيوث و بک تنبت الزروع و بک تدفع البلايا والمحن عن الخاص والعام واهل الثغور و تقلبك يد القدرة ويدعوك لسان | الازل وتنزل منازل من سلف من اولى العلم و يرد عليك التكوين و خرق العادات | وتؤمن على الاسرار والعلوم اللدنية وغرائبها - ترجمہ :۔ یعنی اگر تو خدا تعالیٰ کا مقبول بننا