انوار القراٰن (جلد ۲) — Page 31
تفسیر حضرت خلیفة المسح الثالث سورة المائدة آزادی ضمیر دی ہے۔بادشاہت اور حکومت اللہ ہی کی ہے۔حکم اسی کا چلتا ہے اس پر میں خطبہ دے چکا ہوں۔ان آیات میں اس بنیادی حقیقت کو بیان کرنے کے بعد بہت سی باتیں بیان کی گئی ہیں۔ان میں سے اس وقت چند باتوں کے متعلق میں کچھ کہوں گا۔اللہ تعالیٰ نے یہاں یہ بیان کیا ہے کہ حکم تو اللہ تعالیٰ ہی کا چلے گا۔اگر میرے حکم نہ مانو گے تب بھی میرا چلے گا حکم۔یہاں یہ فرمایا کہ جس حصہ کا ئنات میں ہم آزادی ضمیر پاتے ہیں وہاں بھی حقیقت یہی ہے کہ نیک و بد کی آزادی تو ہے مگر عذاب و مغفرت کی دو قوسوں نے ان اعمال کو بھی ایک پورے دائرہ کے اندر گھیرا ہوا ہے جس سے ظاہر و عیاں ہے کہ قادر مطلق اور متصرف بالا رادہ اللہ ہی کی ذات ہے اور کوئی شے یا عمل اس کی حکومت سے باہر نہیں یعنی انسان کو آزادی بھی دی نیکی اور بدی کا اختیار بھی دیا، اعمال سوء اور اعمال صالحہ کے بجالانے کی قوت اور طاقت بھی دی اور پھر جس طرح کا بھی وہ عمل کرے اس کے اوپر حکم اللہ ہی کا چلے گا۔فَيَغْفِرُ لِمَنْ يَشَاءُ وَيُعَذِّبُ مَنْ يَشَاءُ ۖ وَاللَّهُ عَلَى كُلِّ شَيْءٍ قدير (البقرة : ۲۸۵)۔ان آیات میں انسان کو کہا گیا کہ وَ آنِ احْكُمُ بَيْنَهُم بِمَا أَنْزَلَ اللہ کہ انسانوں کے درمیان اللہ کی وحی کے مطابق احکام جاری کرو ( مخاطب ہیں یہاں محمد رسول اللہ صلی اللہ علیہ وسلم اور پھر مخاطب ہیں وہ جو آپ کے نقش قدم پر چلنا چاہتے ہیں اور پھر ان کے ذریعے سے ہر انسان کے لئے یہ حکم ہے بنیادی طور پر ) کہ اللہ تعالیٰ نے جو احکام انسانی زندگی کے لئے نازل کئے ہیں حضرت محمد صلی اللہ علیہ وسلم کے ذریعہ جو ایک کامل تعلیم انسان کے ہاتھ میں دے دی گئی۔( بِمَا أَنْزَلَ اللهُ ) اللہ تعالیٰ نے جو نازل کیا اور جو احکام وحی کے ذریعہ اترے ان کے مطابق تم باہمی تعلقات کو استوار کیا کرو۔ولا تتبع أهواء ھم اور خدا تعالیٰ کی مرضی کو چھوڑ کر دوسروں کی خواہشات بد کے پیچھے نہ چلا کرو۔اور پھر یہاں ان آیات میں اشارہ ہے کہ اس بنیادی حکم کے علاوہ جو اللہ تعالیٰ نے اتارا ہے اس پر عمل کرو۔تفصیلاً حکم بتائے ہیں مثلاً انہی آیات میں کہا۔وَ اِنْ حَكَمْتَ فَاحْكُمُ بَيْنَهُم بِالْقِسْطِ إِنَّ اللهَ يُحِبُّ الْمُقْسِطِيین۔اگر تو فیصلہ کرے تو ان کے درمیان انصاف سے فیصلہ کر۔اللہ تعالیٰ یقیناً انصاف کرنے والوں سے محبت کرتا ہے۔