قواریر ۔ قوامون — Page 13
جیسے انجن سے زائد اسٹیم نکلنے کا رستہ ہوتا ہے۔پس خدا تعالیٰ نے انسان میں اضطراب پیدا کیا اور ساتھ ہی عورت کے لئے مرد اور مرد کے لئے عورت کو سیفٹی والو بنایا اور اس طرح وہ محبت جو خدا تعالٰی کے لئے پیدا کرنی تھی۔اُس کے زوائد کو استعمال کرنے کا موقعہ دے دیا گیا۔اگر اس کے لئے کوئی سیفٹی والو نہ ہوتا تو یہ محبت بہتوں کو جنون میں مبتلا کر دیتی۔دنیا میں کوئی عقلمند کسی چیز کو ضائع ہونے نہیں دیتا۔پھر کس طرح ممکن تھا کہ خدا تعالیٰ کسی چیز کو ضائع ہونے دے۔پس اُس نے اس کا علاج یہ کیا کہ انسانیت کو دو حصوں میں تقسیم کر کے اُسے دو شکلوں میں ظاہر کیا جین سے اس جوش کا زائد اور بے ضرورت حفضہ دوسری طرف نکل جاتا ہے۔اور اس طرح انسان خواہ مرد ہو یا عورت سکون محسوس کرتا ہے۔اسی کی طرف رسول کریم صلی اللہ علیہ وسلم نے اس حدیث میں اشارہ فرمایا ہے کہ حُبَ إِلَى مِنَ الدُّنْيَا النِّسَاءُ وَالطَّيْبُ وَجُعِلَ قُرَّةَ عَيْنِي في الصلوة - ایک روایت میں مِنَ الدُّنیا کی بجائے مِن دُنیا کو کے الفاظ بھی آتے ہیں (نسائی جلد ۲ کتاب عشره النساء و جامع تفسیر سیوطی جلد اول یعنی دنیا میں سے تین چیزیں مجھے بہت ہی پسند ہیں۔البتا و عورت میں الطيب خوشبو - وَجُعِلَ قُرَّةَ عَيْنى فى الصلوۃ اور میری آنکھوں کی ٹھنڈک تو نماز میں رکھی گئی ہے۔یہ حدیث بتاتی ہے کہ مرد و عورت کے جنسی تعلقات بھی تسکین اور ٹھنڈک کا موجب ہوتے ہیں۔اور خوشبو سے بھی قلب کو سکون محسوس ہوتا ہے اور نماز میں اللہ تعالیٰ کے حضور گریہ وزاری اور عاجہہ انہ دعائیں جو لذت پیدا کرتی ہیں۔وہ بھی انسان کے لئے سکون کا موجب ہوتی ہیں۔