اوڑھنی والیوں کے لئے پُھول — Page 40
40 اُس کے منہ کی باتیں ہیں اس کا ادب اور احترام کرو۔قرآن کریم کے بغیر کوئی دین نہیں اور اس دین کے بغیر کہیں ایمان نہیں اور ایمان کے بغیر نجات نہیں وہ شخص ہر گز نجات نہیں پا سکتا جو قرآن کریم پر عمل نہ کرے۔عام طور پر عورتیں خود پڑھی ہوئی نہیں ہیں مگر خود پڑھا ہوا ہونا ہی ضروری نہیں۔دیکھو اگر کسی رشتہ دار کا خطہ آئے تو پڑھے ہوئے سے پڑھوا کر سنا جاتا ہے اسی طرح قرآن بھی خط ہے جو خدا تعالیٰ کی طرف سے بندوں کے نام آیا ہے اس کو اپنے رشتہ داروں سے پڑھوا کر سنو اور خاص کر اپنے خاوندوں سے تھوڑا تھوڑا کر کے سنو اور اُسے یاد کرو۔وعظ میں قرآن کی آیتیں نہیں سنائی جائیں۔اس وقت میں جو کچھ بیان کر رہا ہوں وہ اگر چہ قرآن ہی کی باتیں ہیں لیکن الفاظ میرے ہیں اور خدا تعالیٰ کے لفظوں میں جو بات ہے وہ کسی انسان کے الفاظ میں نہیں پائی جاتی۔میں یہ نہیں کہتا کہ یہ وعقوں میں جو کچھ سنا یا جاتا ہے وہ خدا تعالے کے کلام کے خلاف ہوتا ہے مگر پھر بھی وہ انسان کے الفاظ ہوتے ہیں۔تمہیں چاہئے کہ خدا کے کلام کو خدا کے الفاظ میں سنو عربی پڑھو اور اُس کے معنے سیکھو، خواہ کوئی عمر ہو پڑھنے سے جی نہ چھاؤ۔قادیان میں ایک قاعدہ تیار کیا گیا ہے اس سے قرآن پڑھنے میں بہت مددمل سکتی ہے۔اُس کے ذریعہ قرآن کریم پڑھو خود پڑھنے اور دوسرے سے سننے میں بڑا فرق ہے سننے میں صرف کان ہی مشغول ہوتے ہیں۔خود پڑھنے سے آنکھیں بھی مشغول رہتی ہیں اور اس طرح زیادہ ثواب ہوتا ہے۔تو خدا تعالی کے کلا م کو خود پڑھنے کی کوشش کرو اور جب تک خود پڑھنے کی قابلیت پیدا نہ ہو اس وقت تک اپنے خاوندوں اور بچوں سے سنو یا اپنے ہمسائیوں سے پڑھو۔دیکھو اگر کوئی بھوکا یا نگا ہو تو دوسروں سے کھانا اور کپڑے مانگ لیتاب در اس میں شرم نہیں کرتا۔جب ایسی چیزوں کیلئے شرم نہیں کی جاتی تو خدا تعالی کی باتیں سنے اور پڑھنے میں کیوں شرم کی جائے ؟ خدا کے بعد رسول کریم سے بڑھ کر کسی کو درجہ نہ دو پھر تمہیں نصیحت کرتا ہوں کہ خدا تعالیٰ کے رسولوں پر ایمان رکھو۔سب سے بڑے رسول محمد تے ہیں اُن سے بڑا درجہ کسی رسول کو نہ دو۔ہمارے ملک میں مسلمانوں نے اپنی جہالت سے حضرت عیسی کو بڑا درجہ دے رکھا ہے۔کہتے ہیں کہ حضرت عیسی آج تک زندہ ہیں مگر رسول کریم نے فوت ہو گئے ہیں۔پھر کہتے ہیں کہ حضرت عیسی مردے زندہ کیا کرتے تھیمگر رسول کریم ﷺ نے کوئی مردہ زندہ نہیں کیا۔پھر اُن کے نزدیک حضرت عیسی تو آسمان پر زندہ بیٹھے ہیں لیکن رسول کریم نے زمین میں دفن ہیں۔حضرت عیسی کے متعلق اس