نُورِ ہدایت

نُورِ ہدایت — Page 682

سَبْحِ اسْمَ رَبِّكَ الْأَعْلَى الَّذِي خَلَقَ فَسَوَى وَالَّذِي قَدَّرَ فَهَدى (الا على 4,2) حضرت خلیفۃ المسیح الخامس ایدہ اللہ تعالیٰ بنصرہ العزیز نے خطبہ جمعہ فرمودہ 14 مئی 2010ء میں فرمایا: یہ آیات جو میں نے تلاوت کی ہیں۔سورۃ اعلیٰ کی پہلی تین آیات ہیں۔یعنی بسم اللہ کے علاوہ۔اس سورۃ کو جیسا کہ ہمارے ہاں عموماً طریق رائج ہے، جمعہ اور عیدین میں پہلی رکعت میں پڑھا جاتا ہے۔کیونکہ حدیث میں روایت ملتی ہے کہ آنحضرت صلی اللہ علیہ وسلم جمعہ اور عیدین پر پہلی رکعت میں سورۃ اعلیٰ پڑھا کرتے تھے۔اسی طرح دوسری رکعت میں سورۃ الغاشیہ پڑھا کرتے تھے۔(مسلم کتاب الجمعۃ باب ما يقر آفى صلوۃ الجمعۃ حدیث نمبر 1912) پس یہ اس سنت کی پیروی ہے جو آنحضرت صلی اللہ علیہ وسلم کی سنت ہے جس کی وجہ سے یہ سورتیں پڑھی جاتی ہیں۔اسی طرح یہ بھی روایت ہے کہ آنحضرت صلی اللہ علیہ وسلم وتروں کی پہلی رکعت میں سورۃ اعلیٰ پڑھا کرتے تھے۔اور دوسری رکعت میں سورۃ الکافرون اور تیسری رکعت میں بعض روایات میں آتا ہے سورۃ الاخلاص اور بعض میں یہ ہے کہ آخری تین سورتیں۔آخری دوقل اور سورۃ اخلاص۔( ترمذی ابواب الوتر باب ما جاء في ما يقر آب فى الوتر حدیث نمبر 462 463) رض بہر حال اس وقت سورۃ الاعلیٰ کی ان آیات کے حوالے سے کچھ کہوں گا۔حضرت مصلح موعود نے تفسیر کبیر میں اس کی بڑی تفصیل سے تفسیر بیان کی ہے اور بحث فرمائی ہے۔حضرت مصلح موعود کی تفاسیر جو ہیں وہ بھی ایک عظیم علمی خزانہ ہیں۔گو یہ پوری قرآن کریم کی تو تفسیر نہیں ہے لیکن جن جن سورتوں کی ہے اُن کو پڑھنے کی طرف جماعت کو توجہ کرنی چاہئے۔یہ مختلف دس جلدیں ہیں۔682