لجنہ اماءاللہ عالمگیر کے لئے پیغامِ عمل — Page 321
کے لئے وہ دینی تعلیمات کے مطابق ہر قربانی کے لئے تیار رہیں۔اخلاق اور روحانیت کی اصلاح اور اس کے ذرائع پر غور و فکر ان کے پیش نظر ہو۔بچوں کی تربیت میں اپنی ذمہ داری کو خاص طور پر سمجھیں کہ انکی دینی زندگی چست ہو۔انہیں تکلیف بر داشت کرنے والے بنائیں۔دین کے مسائل سے واقف کریں۔ان کے اندر خدا تعالیٰ، رسول الله صلى ، مسیح موعود علیہ السلام اور خلفاء سے محبت و اطاعت کا جذبہ پیدا کریں۔ان میں زندگیاں وقف کرنے کا جوش پیدا کریں۔تنظیم کی ممبرات باہمی تعاون سے کام کریں اور دوسروں کی غلطیوں کی چشم پوشی کریں اور صبر وہمت کے اوصاف پیدا کریں۔لوگوں کے ہنسی ٹھٹھہ کا بہادری اور ہمت سے مقابلہ کا مادہ پیدا کیا جائے تاکہ دوسری مستورات کے لئے سبق ہو۔اس مقصد کے لئے دوسری خواتین کو اپنی ہم خیال بنائیں۔جماعت کسی خاص گروہ کا نام نہیں۔چھوٹے بڑے، غریب امیر سب کا نام جماعت ہے۔باہمی محبت اور مساوات پیدا کرنے کی کوشش کی جائے۔سب مدد اور کامیابیاں اللہ تعالیٰ کی طرف سے آتی ہیں اس لئے دعا کی جائے کہ وہ مقاصد الہام ہوں جو ہماری پیدائش میں اس نے مدِ نظر رکھے ہیں۔321