مضامین بشیر (جلد 4) — Page 534
مضامین بشیر جلد چهارم 534 ضروری ہے اور امام کے پیچھے بھی پڑھنی چاہئے۔اس پر حاضرین میں سے کسی نے عرض کیا کہ ” حضور! سورۃ فاتحہ کے بغیر نماز نہیں ہوتی؟ آپ نے فوراً فرمایا ”نہیں نہیں۔ہم ایسا نہیں کہتے۔کیونکہ حنفی فرقہ کے کثیر التعداد بزرگ یہ عقیدہ رکھتے رہے ہیں کہ سورہ فاتحہ کی تلاوت ضروری نہیں اور ہم ہرگز یہ خیال نہیں کرتے کہ ان بزرگوں کی نماز نہیں ہوئی۔اسی طرح آپ کو غیر مسلم قوموں کے بزرگوں کی عزت کا بھی بہت خیال تھا اور ہر قوم کے تسلیم شدہ مذہبی بزرگوں کو بڑی عزت کی نظر سے دیکھتے تھے۔بلکہ اکثر فرمایا کرتے تھے کہ اللہ تعالیٰ کسی شخص کے نام کو عزت کے ساتھ دنیا میں قائم کر دیتا ہے تو لاکھوں کروڑوں انسانوں کے دلوں میں اس کی بزرگی کا خیال بیٹھا دیتا ہے اور اس کے سلسلہ کو استقلال اور دوام حاصل ہو جاتا ہے تو ایسا شخص جسے اس قدر قبولیت حاصل ہو جاوے جھوٹا نہیں ہوسکتا اور ہر انسان کا فرض ہے کہ بچوں کی طرح اس کی عزت کرے اور کسی رنگ میں اس کی ہتک کا مرتکب نہ ہو۔اس معاملہ میں خود اپنے مسلک کا ذکر کرتے ہوئے حضرت مسیح موعودؓ فرماتے ہیں:۔ما ہمہ پیغمبران را چاکریم ہمیچو خاک افتاده بر درے رسولے کو طریق حق نمود ہر جان ما قرباں براں حق پرورے یعنی میں ان تمام رسولوں کا خادم ہوں جو خدا کی طرف سے آتے رہے ہیں اور میرا نفس ان پاک روحوں کے دروازے پر خاک کی طرح پڑا ہے۔ہر رسول جو خدا کا رستہ دکھانے کے لئے آیا ہے (خواہ وہ کسی زمانہ اور کسی ملک میں آیا ہو ) میری جان اس خادم دین پر قربان ہے۔محرره 16 دسمبر 1939 ء) (الحکم جوبلی نمبر 1939ء) 11 قوم کے لوگو! دھر آؤ کہ نکلا آفتاب حدیث میں آتا ہے کہ ایک دفعہ آنحضرت صلی اللہ علیہ وسلم سے کسی نے دریافت کیا کہ یا رسول اللہ ! لوگوں میں سب سے زیادہ شریف النسب کون ہے؟ پوچھنے والے کی مراد تو غالبا یہ ہوگی کہ عرب کے معروف قبائل میں سے حسب و نسب میں کون سب سے بڑھ کر ہے مگر آنحضرت صلی اللہ علیہ وسلم نے جو ہر موقع کو دینی