مضامین بشیر (جلد 2) — Page 1018
مضامین بشیر ۱۰۱۸ قادیان کے سالانہ اجتماع میں پاکستانی احمدیوں کی شرکت خواہشمند احباب ضروری کوائف کے ساتھ اپنی درخواستیں جلد بھجوائیں گذشتہ سال کی طرح اس سال بھی قادیان کے سالانہ مذہبی اجتماع کے موقع پر پاکستانی احمدیوں کی ایک پارٹی کے بھجوائے جانے کی تجویز ہے اور اس تعلق میں حکومت مغربی پنجاب سے ضروری انتظامات کے لئے درخواست کی گئی ہے۔اگر یہ درخواست منظور ہو گئی تو انشاء اللہ اس سال ایک سو اصحاب کی پارٹی دسمبر ۱۹۵۰ء کے آخری ہفتہ چار پانچ دن کے لئے قادیان جائے گی جو دوست اس پارٹی میں شریک ہونا چاہیں اور سفر خرچ برداشت کرنے کے لئے تیار ہوں انہیں چاہئے کہ اپنے علاقہ کے امیر یا پریذیڈنٹ کے ذریعہ بہت جلد اپنی درخواست ذیل کے پتہ پر بھجوا دیں۔درخواست میں مندرجہ ذیل کو ائف ضرور درج کئے جائیں : ا۔کیا درخواست کنندہ کا کوئی رشتہ دار اس وقت قادیان میں ہے۔اگر ہے تو کون اور اس کے ساتھ درخواست کنندہ کا کیا رشتہ ہے۔۲ - درخواست کنندہ کتنے عرصہ سے قادیان نہیں گیا ؟ ۳۔اگر درخواست کنندہ کی درخواست منظور کئے جانے کی کوئی خاص وجہ ہو تو اسے درج کیا جائے۔۴۔درخواست میں اپنا نام اور مکمل پتہ بھی درج کیا جائے۔( مطبوعه الفضل ۱۵/اکتوبر ۱۹۵۰ء)