مشعل راہ ۔ جلد پنجم (حصہ دوم) — Page 71
مشعل راه جلد پنجم حصہ دوم 71 ارشادات حضرت خلیفہ المسح الخامس ایدہ اللہ تعالی جلسہ کے لیے متفرق اہم ہدایات اب بعض متفرق باتیں جو جلسہ کے تعلق میں ہیں میں کہنا چاہتا ہوں جو مہمانوں ، میز بانوں ، ڈیوٹی والوں ہر ایک کے لیے ہیں۔پہلی بات تو یہ ہے کہ (بیت الذکر ) میں اور ( بیت الذکر ) کے ماحول میں اس کے آداب اور تقدس کا خیال رکھیں۔( بیت ) فضل میں جب یہاں سے جائیں گے وہاں بھی کافی رش ہوتا ہے۔جلسہ کے دنوں میں یہ مار کی بھی ( بیت الذکر ) کا ہی متبادل ہے بلکہ یہ پورا علاقہ یعنی جلسہ گاہ میں بھی حضرت مسیح موعود علیہ الصلوۃ والسلام کے ارشاد کے مطابق وہی نظارے نظر آنے چاہئیں جو ایک ایسے پاکیزہ مقدس ماحول میں ہونے چاہئیں۔جہاں صرف اللہ اور اس کے رسول کی باتیں ہو رہی ہوں ، ایک دوسرے کے حقوق ادا کرنے کی باتیں ہو رہی ہوں۔جلسہ کے ایام ذکر الہی اور درود شریف پڑھتے ہوئے گزاریں اور التزام کے ساتھ بڑی با قاعدگی کے ساتھ توجہ کے ساتھ نماز با جماعت کی پابندی کریں۔نمازوں اور جلسے کی کارروائی کے دوران بچوں کی خاموشی کا بھی انتظام ہونا چاہیے۔ڈیوٹی والے بھی اس چیز کا خاص خیال رکھیں اور مائیں اور باپ بھی اس کا بہت خاص خیال رکھیں اور ڈیوٹی والوں سے اس سلسلے میں تعاون کریں۔جو جگہیں بچوں کے لیے بنائی گئی ہیں وہاں جا کے چھوٹے بچوں کو بٹھا ئیں تا کہ باقی جلسہ سننے والے ڈسٹرب نہ ہوں۔جلسہ کے دوران اگر کسی غیر از جماعت مہمان کی تقریر آپ سنیں ، اس میں سے آپ کو کوئی بات پسند آئے اور اس کو خراج تحسین دینا چاہتے ہوں تو اس کے لیے تالیاں بجانے کی بجائے جو ہماری روایات ہیں اللہ اکبر کا نعرہ لگانا۔ماشاء اللہ وغیرہ کہنا ایسے کلمات ہی کہنے چاہئیں کیونکہ تالیاں بجانا ہمارا شعار نہیں ہے۔ہماری اپنی بھی کچھ روایات ہیں اور ان کا خیال رکھنا چاہیے۔یہاں پر بھی اور دنیا میں جہاں جہاں جلسے ہوتے ہیں انہیں روایات کا خیال رکھنا چاہیے۔نعروں کے ضمن میں یا درکھیں کہ ہر کوئی اپنی مرضی سے نعرے نہ لگائے بلکہ انتظامیہ نے اس کے لیے پروگرام بنایا ہوا ہے، نعرے لگانا کچھ لوگوں کے سپر د کیا ہوا ہے۔وہی جب نعرے لگانے کی ضرورت