مشعل راہ جلد سوم

مشعل راہ جلد سوم — Page 126

مشعل راه جلد سوم 126 ارشادات حضرت خلیفتہ المسیح الرابع رحم اللہ تعالی ربوہ میں زبانیں سکھانے کا منصوبہ بہر حال جو بھی نئے نئے ذرائع ہیں ان کو Import کر کے ان سے انشاء اللہ تعالیٰ ربوہ میں زبان سکھانے کا ایک ماڈل بنائیں گے جتنا بھی اس پر خرچ ہوگا اس کی کوئی پرواہ نہیں۔اللہ تعالیٰ کی طرف سے بے شمار فضل ہیں۔باہر کی جماعتیں بھی اب بڑی بیدار ہیں اور کما رہی ہیں اور خدمت کا جذبہ رکھتی ہیں۔ان کے اندر قربانی کے جذبے حیرت انگیز طور پر بیدار ہورہے ہیں۔بڑی کثرت سے دوست یہ پیشکش کر رہے ہیں کہ ہمارا سب کچھ سو فیصدی دین کا ہے۔روپیہ کوئی مشکل ہی نہیں ہے ایسی جماعت کے سامنے جو خالصہ اللہ ہو چکی ہو اور جو اپنا کچھ الگ سمجھے ہی نہ۔افراد جماعت احمدیہ کی ٹوٹل پراپرٹی ٹوٹل جماعت احمدیہ کی پراپرٹی ہے۔یہ شکل بن جاتی ہے۔روپے کی کمی اللہ تعالیٰ کے فضل سے ہمارے رستے میں روک نہیں بنے گی۔اس لئے فہرستیں منگوائیں اور ساتھ ہی آرڈر دیتے چلے جائیں تاکہ یہاں نمونے آنے شروع ہو جائیں۔پھر ایک بہت خوبصورت ماڈل یہاں Create ہو جائے خواہ جامعہ میں یا لائبریری میں۔اگر الگ عمارت بنانی پڑے یا کمرہ وغیرہ Add کرنا پڑے تو وہ بھی کردیں گے انشاء اللہ۔تو جتنی جلدی یہ انتظام ہو اتنا ہی بہتر ہے۔پھر اس سے نمونے لے کر ہر ایسے بڑے شہر میں جہاں خاص تعداد میں احمدی طلبہ پڑھتے ہیں۔چھوٹی چھوٹی Languages لیبارٹری بنادیں گے۔اللہ تعالیٰ توفیق عطا فرمائے اپنے آپ کو تیار کریں کمر ہمت کسیں اور یقین پیدا کریں کہ آپ علوم کی دنیا میں لوگوں کے لئے سردار بنائے گئے ہیں اور ان کی راہ نمائی کے لئے پیدا کئے گئے ہیں۔غفلت کو Shake Off کر دیں۔اپنے مقام کو سمجھیں اور دعائیں کر کے آگے بڑھنے کے لئے تیاری کریں۔اللہ تعالیٰ بڑے بڑے علوم کے نئے نئے راستے آپ میں کھولے گا۔آپ نئی نئی منزلیں طے کریں گے اور نئی نئی چوٹیاں سر کریں گے۔خدا کرے کہ ہم جلد یہ دن دیکھیں۔آمین (روز نامہ الفضل 4 مئی 1983ء)