خطبات وقف جدید — Page 326
326 حضرت خلیفہ مسیح الرابع کہ جب مقابلے کے خاص حالات ہوں تو احتیاطی کارروائیاں اور حکمت کے تقاضے پورے کرنے ضروری ہوا کرتے ہیں۔جہاں تک بیرونی جماعتوں کا وعدہ جات بالغان کا تعلق ہے ان کا ذکر میں بعد میں کروں گا۔پہلے ذرا نسبتاً ایک عمومی جائزہ لے لوں جہاں تک چندے کی آمد کا تعلق ہے پاکستان میں جن جماعتوں نے خدا تعالیٰ کے فضل سے وقف جدید کے چندہ کے سلسلہ میں غیر معمولی طور پر ترقی کی ہے یعنی با وجود اقتصادی حالات کے خراب ہونے کے پہلے سے قدم آگے بڑھتے ہیں ان میں ربوہ خدا تعالیٰ کے فضل سے نمایاں آگے بڑھنے والی جماعتوں میں سے ہے۔گزشتہ سال ربوہ کی وصولی 2,80,000 روپے تھی اور امسال رپورٹ لکھنے کی تاریخ تک ( جس میں جیسا کہ میں نے بیان کیا ہے ایک بڑا حصہ جمع ہونے والا ہے) 2,86,000 روپے وصولی ہو چکی تھی۔یہ ایک نمایاں فرق ہے۔پہلے سے آگے کی طرف قدم ہے جس میں ابھی اور وصولی جمع ہونے والی ہے۔پھر کراچی کی جماعت ہے جو خدا کے فضل سے ہمیشہ آگے بڑھنے والی جماعتوں میں سے ہے اس نے گزشتہ سال کی وصولی میں 3,82,000 روپے کے مقابل پر جو سارے سال کی وصولی تھی۔اب تک 4لاکھ روپے وصول ہو چکے ہیں پھر کوئٹہ جن حالات میں سے گزر رہا ہے اس کے با وجود خدا تعالیٰ کے فضل سے کوئٹہ کے چندہ میں بھی اضافہ ہوا ہے۔ضلع مظفر گڑھ کے چندہ میں بھی نمایاں اضافہ ہے ضلع لیہ کے چندہ میں بھی نمایاں اضافہ ہوا ہے۔ضلع خانیوال ضلع وہاڑی کے چندہ میں بھی نمایاں اضافہ ہوا ہے۔اسی طرح سکھر جہاں بہت ہی سختی کے حالات رہے ہیں اور ابھی تک جاری ہیں وہاں بھی خدا کے فضل سے نمایاں اضافہ ہوا ہے۔اسی طرح خیر پور، گوجرانوالہ، اوکاڑہ، جہلم اور اٹک کے چندہ میں بھی نمایاں اضافہ ہوا ہے۔خوشی کی خبر یہ ہے کہ پشاور کو ہاٹ اور ڈیرہ اسماعیل خاں میں بھی نمایاں اضافہ ہو اہے۔جب سے یہاں امارت بدلی ہے خدا کے فضل سے بڑی نمایاں اور پاکیزہ تبدیلیاں پیدا ہورہی ہیں۔باوجود اسکے کہ حالات تو وہی ہیں جو پہلے تھے لیکن جماعتیں بیدار ہو رہی ہیں اور احباب جماعت نے بڑی ہمت کے ساتھ نیکیوں کے کاموں میں آگے بڑھنے کی دوبارہ کوشش شروع کر دی ہے ورنہ ایک وقت ایسا بھی آیا تھا کہ ان پر ایک غنودگی کی سی کیفیت طاری تھی۔اس جائزہ میں میں آپ کو یہ بات بتانا چاہتا ہوں اور اس سلسلہ میں میں نے بڑی تفصیل سے غور کیا تو اس نتیجہ پر پہنچا جیسا کہ خدا کا وعدہ ہے جماعت نے بہر حال ترقی کرنی ہے اور کرتی بھی ہے۔یہ جو عمومی وعدہ ہے یہ Potential کے طور پر جماعت کے مقدر میں ہے۔ایک تو ساری جماعت کا عمومی جائزہ ہے ایک مقامی جماعتوں یا اضلاع کی جماعتوں کا جائزہ۔ان دونوں جائزوں کو مدنظر رکھتے ہوئے