خطبات وقف جدید — Page 310
310 حضرت خلیفة المسیح الرابع سکتا انہوں نے اپنے اخلاق سے اپنے اطوار سے اپنی قربانیوں سے ثابت کر دیا ہے کہ محمد کے سوا کسی کو یہ آقا نہیں مانتے اسی کے غلام ہیں اسی کے گھڑے ہوئے جو ہر ہیں جو خدا تعالیٰ کے فضل سے دن بدن اور زیادہ صیقل ہوتے چلے جارہے ہیں۔پس اس لحاظ سے جہاں میرے دل میں ان کے لئے دعاؤں کی تحریک پیدا ہوئی وہاں میں باقی دنیا کی جماعتوں سے بھی درخواست کرتا ہوں کہ وہ بھی ان پیارے مظلوم بھائیوں کو بہت دعاؤں میں یاد رکھیں یہ بڑے بہادر جوان ہیں خدا کی راہ کے شیر ہیں انتہائی خوفناک مظالم کا شکا رہونے کے باوجود ان کے پائے ثبات میں لغزش نہیں آئی بلکہ ان کا عزم اور زیادہ بلند ہوا ہے اور زیادہ مستقل مزاجی کے ساتھ گہرے عزم کے ساتھ پختہ ارادوں کے ساتھ یہ خدا کی راہ میں قربانیاں کرتے ہوئے آگے سے آگے بڑھتے چلے جارہے ہیں۔اس لئے آپ جو نسبتا آسان زندگی گزرا رہے ہیں یعنی باہر بسنے والے احمدی ان پر فرض ہے کہ ان کو خاص طور پر اپنی دعاؤں میں یا درکھیں اور محبت بھری دعاؤں میں یا درکھیں دل کی گہرائیوں سے اٹھنے والی دعاؤں میں یا درکھیں۔جہاں تک باقی دنیا کی جماعت کا تعلق ہے اللہ تعالیٰ کے فضل سے وہاں بھی یہی منظر دکھائی دے رہا ہے اور کوئی بھی ایسی دنیا کی جماعت نہیں ہے جہاں کسی بھی چندے کے لحاظ سے کسی قسم کی کمزوری آئی ہو بلکہ بعض جگہ چند سالوں کے اندر مجموعی چندہ کئی گنا آگے بڑھ چکا ہے۔جب سے میں انگلستان آیا ہوں یہاں بھی اللہ تعالیٰ نے انگلستان کی جماعت کو انصار کے بعض رنگ دکھانے کی توفیق بخشی ہے اور اگر آپ چھپ کے بھی خدمات کر رہے ہوں رات کے اندھیروں میں بھی کر رہے ہوں تو جس خدا نے اس گھر میں ہونے والے واقعہ پر نظر فرمائی تھی اس کی نظر سے آپ کی نیکیاں بھی اوجھل نہیں ہیں اور وہ ان انصار کی نیکیوں کو بھی بڑی محبت اور پیار کی نظر سے نوازتا چلا جارہا ہے اور اس کے کئی نیک اثرات اپنے گردو پیش میں اپنے ماحول میں اپنے گھروں میں اپنے بچوں کی نیکیوں میں ان کے دل میں زیادہ سے زیادہ دین کی محبت پیدا ہونے کے نتیجہ میں آپ کو نظر آرہے ہونگے۔جہاں تک مالی قربانی کا پیمانہ ہے اس پیمانہ کے ذریعہ اگر جانچا جائے تو جماعت انگلستان اللہ تعالیٰ کے فضل سے دنیا میں کسی دوسری جماعت سے پیچھے نہیں ہے بلکہ بہت سی چیزوں میں خدا کے فضل سے ساری دنیا کے لئے نمونہ بن رہی ہے۔وقت کی مسلسل قربانی کے لحاظ سے بھی اور اموال کی قربانی میں بھی آگے قدم بڑھانے کے لحاظ سے ماشاء اللہ انگلستان کو غیر معمولی توفیق مل رہی ہے مجھے یقین ہے کہ اس کے نتیجہ میں خدا تعالیٰ صرف روحانی نہیں بلکہ دنیاوی فضل بھی آپ پر بہت فرمائے گا۔تحریک جدید کا جو گذشتہ سال کا وعدہ تھا خدا کے فضل سے جماعت انگلستان کو اس سے آگے قدم بڑھانے کی توفیق ملی۔