خطبات وقف جدید — Page 20
20 حضرت مصلح موعود جا کر فائدہ اٹھا لیا لیکن خواجہ صاحب نے اپنی کامیاب وکالت چھوڑ دی۔انھوں نے مولوی محمد علی صاحب جیسا فائدہ نہیں اٹھایا۔ہاں اگر کبھی ضرورت ہوتی تو حضرت صاحب سے کچھ مانگ لیا کرتے تھے۔مولوی محمد علی صاحب نے قادیان آ کر تنخواہ لی اور پھر اسے بڑھاتے چلے گئے۔شیخ رحمت اللہ صاحب ان کی تائید کیا کرتے تھے اور کہا کرتے تھے کہ ان کی تنخواہ بہت تھوڑی ہے اس لئے ان کی تنخواہ بڑھانی چاہئے۔ایک دفعہ میں نے کہا مولوی صدر الدین صاحب کی تنخواہ بھی بڑھانی چاہیئے تو مولوی محمد علی صاحب کا چہرہ سرخ ہو گیا اور کہنے لگے کہ آپ یہ بتانا چاہتے ہیں کہ میں نے کوئی قربانی نہیں کی۔میں نے کہا یہ بات نہیں ہے بلکہ میں یہ بتا نا چاہتا ہوں کہ مولوی صدرالدین صاحب نے بھی تو قربانی کی ہے۔ان کی تنخواہ بھی بڑھانی چاہئے۔تو یاد رکھو آنے والے آئیں گے اور انھیں رزق بھی خدا تعالیٰ دے گا۔مگر پہلے آنے والوں کے لئے بہت برکت ہوگی جو پہلے آئیں گے ان کے لئے جنت کے دروازے پہلے کھولے جائیں گے اور جو بعد میں آئیں گے ان کے لئے جنت کے دروازے بھی بعد میں کھولے جائیں گے۔روز نامه الفضل ربوہ 11 جنوری 1958 ء) *****