خطبات وقف جدید — Page 236
236 حضرت خلیفہ امسح الثالث ہمیں سندھی زبان میں بھی کتب مہیا کی جائیں۔چنانچہ بعض کتب سندھی زبان میں بھی وقف جدید کی طرف سے شائع ہوئیں۔بعض واقفین وقف جدید صوبہ سرحد میں بھی کام کر رہے ہیں۔ان کا مطالبہ ہے کہ ہمیں پشتو زبان میں کتب دی جائیں۔اس کی طرف بھی انہوں نے توجہ دی ہے۔ابھی ابتداء ہے اور کچھ کتب تیار ہو کے شائع ہو چکی ہیں پشتو زبان میں بھی۔فارسی کی طرف بھی ہمیں زیادہ توجہ کی ضرورت ہے کیونکہ بعض لوگوں کی رؤیا سے یہ معلوم ہوتا ہے کہ ان علاقوں میں سے جن علاقوں میں پشتو اور فارسی بولی جاتی ہے۔فارسی بولنے والے علاقوں میں احمدیت جلد پھیلے گی۔خدا کرے کہ جو تعبیر ہمارے ذہن میں آئی ہے وہ پوری ہو۔اور جس وقت ان میں احمدیت پھیلے گی تو فارسی کتب کا وہ مطالبہ کریں گے۔اس کے لئے جماعت کو ابھی سے تیاری کرنی چاہیے۔مگر یہ کام وقف جدید کا اتنا نہیں جتنا جماعت کا ہے۔جماعت احمدیہ کو بحیثیت جماعت یہ ذمہ داری سنبھالنی چاہیے۔اب تو یہ حال ہے کہ چونکہ ضرورت شدید نہیں تھی اس واسطہ توجہ بھی نہیں کی گئی حضرت اقدس بانی سلسلہ احمدیہ کی اپنی بہت سی فارسی کی کتب ہیں جن کی اشاعت کی طرف توجہ نہیں کی گئی منظوم کلام ہے اس کی اشاعت کی طرف توجہ نہیں کی گئی۔پہل میں کر رہا ہوں منظوم کلام سے اللہ تعالیٰ جزا دے شیخ محمد احمد صاحب مظہر کو ان کے سپر دمیں نے کام کیا تھا وہ بڑے اچھے فارسی دان ہیں کہ جو پہلی درشین فارسی شائع ہوئی ہے اس میں کتابت کی اور اعراب کی بہت سی غلطیاں ہیں۔انہیں میں نے کہا کہ مجھے لکھ کے دیں صحیح اور حسب ضرورت اعراب کے ساتھ۔یہ میرے سفر سے پہلے کی بات ہے۔انہوں نے وعدہ کیا تھا جلسے تک میں یہ کام ختم کر دوں گا۔انہوں نے وہ مسودہ تیار کر کے مجھے دے دیا ہے اب اس کی کتابت اور طباعت کا کام ہے۔اللہ تعالیٰ وہ بھی کر دے گا۔میں چاہتا ہوں کہ حضرت اقدس بانی سلسلہ احمدیہ کی کتب کا جہاں تک تعلق ہے بہترین کتابت ہو ان کی اور بہترین طباعت ہو ان کی اور بہترین کا غذ استعمال کیا جائے۔ایک نہایت اچھی شکل میں دنیا کے ہاتھ میں یہ روحانی خزانہ دیا جائے کیونکہ جوشان ہے اس کلام کی نظم ہو یا نثر اس کے مطابق اس کو لباس پہنانا چاہیے۔یہ نہیں کہ اگر ہم میں سے کوئی کتاب لکھے تو وہ تو پسند کرے کہ جو اس نے لکھا ہے وہ بہترین ہو لیکن حضرت اقدس بانی سلسلہ احمدیہ کی کتب کے ساتھ ایسا سلوک نہ کیا جائے۔ایک وقت میں یہ بیماری لندن میں بھی پیدا ہوئی اور مجھے انہیں سمجھانا پڑا۔میں نے کہا کوئی کتاب لنڈن مشن نہیں شائع کرے گا حضرت اقدس بانی سلسلہ احمدیہ کی کتب کے علاوہ جس کی طباعت اور جس کا GET UP حضرت اقدس بانی سلسلہ احمدیہ کی کتب سے اچھا ہو۔بہترین شکل میں ، بہترین کاغذ پر ، بہترین مطبع سے ، بہترین پبلشنگ ہاؤس سے حضرت اقدس بانی سلسلہ احمدیہ کی کتب شائع ہونی چاہئیں چنانچہ وہاں سے اس وقت