خطبات وقف جدید — Page 6
6 حضرت مصلح موعود اور خدا تعالیٰ کا مقرب بندہ اپنے زمانہ کے لئے اسوۂ حسنہ ہوتا ہے۔حضرت ابراھیم علیہ السلام اپنے زمانہ کے لئے اسوۂ حسنہ تھے ( باقی انبیاء اپنے اپنے زمانہ کے لئے اسوۂ حسنہ تھے ) سید احمد صاحب سرہندی اپنے زمانہ کے لئے اسوۂ حسنہ تھے، حضرت شاہ ولی اللہ صاحب دہلوی اپنے زمانہ کے لئے اسوہ حسنہ تھے اور سید احمد صاحب بریلوی اپنے زمانہ کے لئے اسوہ حسنہ تھے۔پھر دیو بند کے جو بزرگ تھے وہ اپنے زمانہ کے لئے اسوہ حسنہ تھے۔انھوں نے اپنے پیچھے ایک نیک ذکر دنیا میں چھوڑا ہے ہمیں اس کی قدر کرنی چاہئے اسے یادرکھنا چاہئے اور اس کی نقل کرنی چاہئے۔سو آج بھی زمانہ ہے کہ ہمارے وہ نوجوان جن میں اس قربانی کا مادہ ہو کہ وہ اپنے گھر بار سے علیحدہ رہ سکیں ، بے وطنی میں ایک نیا وطن بنائیں اور پھر آہستہ آہستہ اس کے ذریعہ سے تمام علاقہ میں نورِ اسلام اور نور ایمان پھیلائیں ، اپنے آپ کو اس غرض کے لئے وقف کریں۔میرے نزدیک یہ کام بالکل نا ممکن نہیں ، بلکہ ایک سکیم میرے ذہن میں آرہی ہے۔اگر ایسے نو جوان تیار ہوں جو اپنی زندگیاں تحریک جدید کو نہیں بلکہ میرے سامنے وقف کریں اور میری ہدایت کے ماتحت کام کریں تو میں سمجھتا ہوں کہ خدمت اسلام کا ایک بہت بڑا موقع اس زمانہ میں ہے۔جیسا کہ مولوی محمد قاسم صاحب نانوتوی کے زمانہ میں تھایا جیسا کہ حضرت سید احمد صاحب بریلوی اور دوسرے صوفیاء واولیاء کے زمانہ میں تھا۔(روز نامه الفضل ربوه 6 فروری 1958 ء)