خطبات طاہر (جلد 7۔ 1988ء) — Page 5
خطبات طاہر جلدے 5 خطبه جمعه یکم جنوری ۱۹۸۸ء Machni Show کہتے ہیں۔وہ کم و بیش جمعہ کے وقت ہی رکھا جاتا ہے اس دن آپ دیکھیں مسجدوں کے پاس سے گزریں تو مسجدوں کے باہر آپ کو کم مسلمان دکھائی دیں گے مسجد کی طرف بڑھتے ہوئے اور Machni Show میں جاتے ہوئے کہیں زیادہ کثرت کے ساتھ ہجوم دکھائی دیں گے یہاں تک کہ مجھے یاد ہے ایک دفعہ کراچی میں وہ جو وکٹوریہ روڈ کی مسجد تھی وہاں سے جمعہ پڑھ کر ہم واپس جارہے تھے تو آگے سڑک بلاک ہوئی تھی تو میں نے پوچھا کہ یہ کیا وجہ ہے یہ اتنا ہجوم کس بات کا ہے تو پتا لگا کہ کوئی فرلانگ بھر لمبا Queueلا ہوا تھا۔اس دن کو ئی فلم دکھائی جانی تھی جو Machni Show کہلاتی ہے جیسا کہ میں نے بیان کیا Machni Show کہتے ہیں۔پتہ نہیں کیا مطلب ہے Machni کا وہ دو پہر کے قریب یعنی جمعہ کے وقت لگ بھگ دکھائی جاتی ہے اور مسجدوں کے سامنے کوئی رش نہیں تھا۔ویسے بھی میں نے ایک دفعہ جائزہ لیا مساجد کی Capasity کا تو مجھے یہ بڑا تعجب ہوا کہ مسجدوں میں کل رقبہ جو مہیا ہے وہ ایک شہر میں جتنے افراد جمعہ پڑھنے کے اہل ہیں ان سے کہیں کم ہے اگر وہ سارے مسلمان جو کسی شہر میں بستے ہوں جمعہ پڑھنے کیلئے مسجدوں میں داخل ہونے کی کوشش کریں تو تقریباً دو تہائی یا نصف کم سے کم ایسے ہوں گے جن کو مسجد میں جگہ مل ہی نہیں سکتی کیونکہ پوری طرح گھٹ کر بیٹھیں اور سمٹ کر بیٹھیں تب بھی مسجدوں میں اتنار قبہ ہی نہیں ہے کہ وہ سارے شہر کو سمیٹ سکیں۔پھر خواتین بھی جاتی ہیں بعض جگہ، احمد یوں میں خاص طور پر خواتین میں رواج ہے ان کے لئے تو بالکل جگہ ملنے کا سوال باقی نہیں رہتا یہ جو رجحان ہے یہ بہت ہی قابل فکر رجحان ہے۔جمعہ کو اتنی اہمیت حاصل ہے آنحضرت مﷺ نے جہاں اس کے مثبت پہلو بیان فرمائے ہیں وہاں جمعہ نہ پڑھنے کے نتیجے میں جو منفی پہلو بیان فرمائے ہیں وہ بہت ہی دل کو ڈرانے والے ہیں۔میں ان میں سے چند کا ذکر بھی کروں گا لیکن اس سلسلے میں میں پہلے آپ کو قرآن کریم کی ان آیات کا مطلب بتاتا ہوں جو میں نے ابھی آپ کے سامنے تلاوت کی ہیں یہ سورۃ الجمعہ سے لی گئی ہیں آیت ۱۰ ۱۱ اور ۲۔اللہ تعالیٰ فرماتا ب يَا يُّهَا الَّذِينَ آمَنُوا إِذَا نُودِيَ لِلصَّلوةِ مِنْ يَوْمِ الْجُمُعَةِ فَاسْعَوْا إِلَى ذِكْرِ الله اے وہ لوگو! جو ایمان لائے ہو جب بھی نماز کے لئے بلایا جائے جمعہ کے دن فَاسْعَوْا إلى ذِكْرِ اللهِ تو دوڑتے ہوئے خدا کے ذکر کے لئے چلے آیا کرو اور وَذَرُوا البيع اور تجارت کو چھوڑ دیا کرو ذلِكُمْ خَيْرٌ لَكُمْ یہ تمہارے لئے بہت بہتر ہے اِن كُنتُمْ تَعْلَمُونَ کاش کہ تم جانتے،