خطبات طاہر (جلد 10۔ 1991ء) — Page 536
خطبات طاہر جلد ۱۰ 536 خطبہ جمعہ ۲۸ / جون ۱۹۹۱ء بھی ضرور معاف فرما۔یہ وہ بھائی ہیں جو ایمان میں ہم پر سبقت لے گئے تھے۔اور ان کے پہلے ایمان لانے کے نتیجہ میں ہم نے یہ فیض پایا ہے اس لئے ہمیں زیب نہیں دیتا کہ ان کے متعلق کسی قسم کا اور کوئی کلمہ کہیں سوائے اس کے کہ تجھ سے ان کے لئے بخشش کے طالب ہوں۔وَلَا تَجْعَلْ فِي قُلُوبِنَا غِلَّا لِلَّذِينَ آمَنُوا اور ہمارے دل ایسے بنا دے کہ ان میں کسی ایمان لانے والے کے لئے بھی کسی قسم کی کوئی کبھی نہ رہے، کوئی بیہودہ خیالات پیدا نہ ہوں۔رَبَّنَا إِنَّكَ رَءُوفٌ رَّحِيمٌ اے خدا تو تو بہت ہی مہربان ہے، ہمیں بھی مہربان بنا دے تو تو بار بار رحم کرنے والا ہے ہمیں بھی بار بار رحم کرنے والا بنادے۔پس مسلمان سوسائٹی کے لئے یہ دعا بہت ہی قیمتی دعا ہے ایسی جماعتیں جہاں بعض دفعہ اختلافات پیدا ہو جاتے ہیں اور وہ نفرتوں میں بدل جاتے ہیں اور وہ جماعتیں پھٹ جاتی ہیں۔خصوصیت کے ساتھ ان کے لئے یہ دعا بہت ہی اہمیت رکھتی ہے اور شیعوں اور سنیوں سے گفتگو کے دوران بھی آپ کے پیش نظر یہ دعا رہنی چاہئے اور یہی مسلک ہے جو سب سے اچھا مسلک ہے اس میں عاجزی اور انکسار پایا جاتا ہے اور معاملات کو خَيْرُ الفتِحِينَ خدا کے سپرد کر دیا جاتا ہے یہ دعا سورۃ الحشر آیت اامیں ہے۔ایک دعا حضرت ابراہیم علیہ الصلوۃ والسلام کی اور ان لوگوں کی دعا ہے جو آپ کے ساتھ تھے اور آپ کے اسوہ سے فیض پانے والے تھے قرآن کریم فرماتا ہے۔وہ لوگ مشرک نہیں تھے اور ہر قسم کے شرک سے بیزار تھے اور خالصہ للہ وقف ہو چکے تھے۔وہ خدا کے حضور یہ عرض کیا کرتے تھے۔رَبَّنَا عَلَيْكَ تَوَكَّلْنَا وَ إِلَيْكَ أَنَبْنَا وَ إِلَيْكَ الْمَصِيرُ (الممتحنہ:۵) اے خدا ہمارا تمام تر توکل تجھ پر ہے وَإِلَيْكَ اَنَبْنَا اور ہم تیری ہی طرف جھکنے والے ہیں وَ إِلَيْكَ الْمَصِيرُ اور تیری ہی طرف ہر راستہ جاتا ہے۔تیری طرف جانے کے سوا ہم اور کوئی راہ نہیں پاتے۔اِلَيْكَ الْمَصِيرُ ایک بہت ہی خوبصورت بیان ہے جس کا مطلب یہ ہے کہ اور کسی طرف جا نہیں سکتے لازماً بالآخر وہاں پہنچنا ہے۔جیسے کہا جاتا ہے۔All Roads lead to Rome یہ تو ایک فرضی محاورہ ہے کہاں ساری سڑکیں روم کی طرف جاتی ہیں مگر امر واقعہ یہ ہے کہ خدا کی طرف ساری سڑکیں جاتی ہیں۔مومن کی بھی اور کافر کی بھی بالآخر اسی کی طرف لوٹ کر جانا ہے تو وہ یہ عرض کرتے ہیں عَلَيْكَ تَوَكَّلْنَا وَ إِلَيْكَ أَنَبْنَا وَ إِلَيْكَ الْمَصِيرُ اس دعا میں ایک بہت ہی گہرا پیغام ہے وہ یہ ہے