خطبات طاہر (جلد 10۔ 1991ء) — Page 535
خطبات طاہر جلد ۱۰ 535 خطبہ جمعہ ۲۸ / جون ۱۹۹۱ء مہاجرین اور انصار کے بعد آئے وہ ان کے ذکر خیر سے متاثر ہونے کے بعد یہ دعا کیا کرتے تھے وَالَّذِينَ جَاءُ وَ مِنْ بَعْدِهِمْ يَقُولُونَ رَبَّنَا اغْفِرْ لَنَا وَ لِإِخْوَانِنَا کہ اے ہمارے رب ہمیں بخش دے اور ہمارے ان بھائیوں کو بھی بخش دے الَّذِيْنَ سَبَقُونَا بِالْإِيْمَانِ وہ لوگ جو ایمان میں ہم سے سبقت لے گئے۔وَلَا تَجْعَلُ فِي قُلُوْبِنَا غِلَّا لِلَّذِينَ آمَنُوا اور ہمارے دل میں کسی مومن کے لئے کبھی اور نفرت نہ پیدا ہونے دے۔رَبَّنَا إِنَّكَ رَءُوْفٌ رَّحِيْمُ اے ہمارے رب تو تو بہت ہی مہربان اور بہت ہی رحم سے پیش آنے والا ہے۔اس دعا کا پس منظر یہ ہے کہ انصار اور مہاجرین جو خدا کی نظر میں بہت بڑے بڑے مرتبے پاگئے آخری دور میں کچھ ایسے اختلافات میں ملوث ہوئے کہ جن کے نتیجہ میں مؤرخ کے لئے یہ سمجھنا بہت مشکل ہو گیا کہ کسی نے کیا غلطی کی تھی اور کون کس حد تک حق پر تھا۔ان عبث بحثوں میں مبتلا ہوکر مسلمان دوحصوں میں بٹ گئے۔ایک وہ جو شیعان علی کہلاتے ہیں ایک وہ جو اہل سنت اور چودہ سوسال ہونے کو آئے آج تک یہ ان بحثوں سے باز نہیں آرہے کہ کون کس سے بہتر تھا کس نے کیا گناہ کیا؟ کس سے کیا غفلتیں سرزد ہوئیں۔مجھ سے ایک مرتبہ ایک شیعہ دوست نے سوال کیا کہ بتائیے حضرت علی درست تھے یا حضرت عائشہ درست تھیں۔میں نے کہا جس نے بتانا ہے وہ تو اس کے دربار میں حاضر ہو چکے۔میں کون ہوں بتانے والا اور آپ کون ہیں پوچھنے والے جس خدا نے فیصلے فرمانے ہیں اس کے دربار میں خدا کے یہ نیک بندے حاضر ہو چکے ہیں۔اپنا سب کچھ اس کو پیش کر بیٹھے ہیں اس لئے ان لغو بحثوں میں مبتلا نہ ہوں۔اس آیت کریمہ کے متعلق بیان کیا جاتا ہے کہ ایک دفعہ حضرت امام باقر کے سامنے جو ایک بہت بزرگ شیعہ امام تھے، اولین ائمہ میں سے تھے کسی شیعہ نے آنحضرت ﷺ کے بعض خلفاء اور صحابہ کے متعلق زبان طعن دراز کی۔غیرت سے آپ اٹھ کھڑے ہوئے اور بہت ہی جلال کے ساتھ اس آیت کی تلاوت فرمائی۔وَالَّذِينَ جَاءُ وَ مِنْ بَعْدِهِمْ يَقُولُونَ رَبَّنَا اغْفِرْلَنَا وَلِإِخْوَانِنَا الَّذِيْنَ سَبَقُونَا بِالْإِيْمَانِ کہ وہ لوگ جو ان بزرگوں کے بعد آنے والے ہیں۔وہ تو صرف یہ عرض کرتے ہیں کہ اے خدا ہمیں بھی بخش دے اور ان کو بھی بخش دے۔اگر ان سے کچھ غلطیاں سرزد ہوئی ہیں تو ہماری التجا یہ ہے کہ ان کو معاف فرمادے اور ہم تو ہیں ہی گناہ گار بندے ہمیں