خطبات مسرور (جلد 1۔ 2003ء) — Page 35
$2003 35 خطبات جان الیگزنڈر ڈوئی کی ہلاکت اور کوریا کی بابت پھر جان الیگزنڈر ڈوئی کی ہلاکت کی خبر۔جیسا کہ اس کے بارہ میں جماعت کے لٹریچر میں کافی آگیا ہے۔یہ شخص آسٹریلیا سے آکر امریکہ میں آباد ہو گیا تھا۔اس نے ایک شہر میحون بسایا۔۱۹۰۱ء میں اس نے دعوی کیا کہ وہ مسیح کی آمد ثانی کے لئے بطور ایلیا کے مبعوث ہوا ہے۔۱۹۰۲ء میں اس نے شائع کیا کہ اگر مسلمان مسیحیت کو قبول نہیں کریں گے تو وہ ہلاک کر دئے جائیں گے۔پھر اگست ۱۹۰۲ء کو اس نے لکھا کہ انسانیت پر سخت بد نما دھبے نعوذ باللہ اسلام کو صحون ہلاک کر دے گا۔اس پر حضرت مسیح موعود علیہ السلام نے ۱۹۰۳ء میں ایک اشتہار دیا جس کا عنوان تھا ”ڈوئی اور پگٹ کے متعلق پیشگوئیاں اور اس میں لکھا: ”امریکہ کے لئے خدا نے مجھے یہ نشان دیا ہے کہ اگر ڈوئی میرے ساتھ مباہلہ کرے اور میرے مقابل پر خواہ صراحتا یا اشارہ آجائے تو وہ میرے دیکھتے دیکھتے بڑی حسرت اور دکھ کے ساتھ اس دنیائے فانی کو چھوڑ دے گا“۔اس کے جواب میں ڈوئی نے کہا کہ کیا تم خیال کرتے ہو کہ میں ان کیڑوں مکوڑوں کا جوا ب دوں گا۔اگر میں اپنا پاؤں ان پر رکھ دوں تو ایک دم میں ان کو کچل سکتا ہوں۔آخر وہ خدا کے غضب کا نشانہ بنا۔اس پر فالج کا حملہ ہوا۔اس کی بیوی بچوں نے اس کے کیریکٹر کے متعلق گواہیاں دیں جس سے اس کے مرید بدظن ہو گئے اور ۸/ مارچ ۱۹۰۷ء کو ڈوئی انتہائی حسرت کے ساتھ مر گیا۔اس کے مرنے کے بعد امریکہ کے متعدد اخبارات نے لکھا کہ مرزا غلام احمد قادیانی جیت گیا اور ڈوئی ہار گیا۔پھر کوریا کے متعلق خبر ہے کہ جب ۱۹۰۴ ء میں روس اور جاپان کے درمیان جنگ چھڑی ، حضرت مسیح موعود علیہ الصلوۃ والسلام کو الہام ہوا ایک مشرقی طاقت اور کوریا کی نازک حالت۔اور اسی الہام کے مطابق بالآخر جاپان کو فتح حاصل ہوئی اور کوریا میں سے روس کو نکلنا پڑا۔(ذکر حبیب صفحہ ۱۲۳ )۔اور آج تک وہاں کے حالات دگرگوں ہی ہیں۔