دوسری آئینی ترمیم 1974ء ۔ خصوصی کمیٹی میں کیا گزری — Page 18
18 دوسری آئینی ترمیم 1974ء۔خصوصی کمیٹی میں کیا گزری جمعیت میں داخل ہونے کے بعد ہر ایرا غیر امولانا ہو جاتا ہے۔شاید اس قسم کے مولانا لعنتہ اللہ علی الکاذبین سے مستثنیٰ ہیں؟۔۔رہا ائمہ کرام کا سوال تو ان کے حدود اربعہ سے مطلع کیجئے۔ہم شکر گزار ہوں گے ، ہم نے تو جمعیت میں ائمہ کرام کی شکل نہیں دیکھی۔یہ جنس اس کباڑ خانے میں کہاں ہے ؟“(10) جواب میں جمعیت العلماء اسلام والے کس طرح پیچھے رہ جاتے۔انہوں نے اپنے جریدہ ترجمانِ اسلام میں الزام لگایا کہ مرزائیوں نے چٹان کے اس مضمون پر ، جس میں مفتی محمود صاحب اور ان کی پارٹی پر الزام لگایا گیا تھا کہ انہوں نے قادیانیوں سے مالی مددلی ہے، بہت مسرت کا اظہار کیا اور اس خوشی میں چٹان کے مدیر شورش کاشمیری صاحب کو نذرانہ پیش کرنے کے لیے ان کے رسالے کو اشتہارات سے نوازا۔اس الزام پر تلملا کر شورش کا شمیری صاحب نے تحریر فرمایا کہ۔۔۔ہم ان کوڑھ مغزوں سے نہیں الجھنا چاہتے۔مفتی محمود اور غلام غوث اب اس قابل نہیں رہے کہ انھیں منہ وو لگایا جائے۔ہم ان سے اتنی ہی نفرت کرتے ہیں جتنی قرنِ اوّل میں حلقہ بگوشانِ رسول شرک سے کرتے تھے۔۔۔مولانا کو یہ بھی معلوم ہے کہ ان کی جماعت کے جو لوگ میرے خلاف اپنی خاندانی زبان استعمال کر رہے ہیں مثلاً مشتے نمونہ از خروارے ، جانباز مرزا اور ضیاء القاسمی اپنے اعمال کی رو سے اس قابل ہیں کہ اسلامی حکومت ہو تو انہیں فورآسنگسار کر دیا جائے۔“ (11) جماعت اسلامی کا جریدہ ایشیا بھی اس مہم میں پوری سر گرمی سے حصہ لے رہا تھا۔اس نے 9 / اگست 1970ء کی اشاعت میں جہاں یہ الزام لگایا کہ جماعت احمد یہ اور پیپلز پارٹی کا اتحاد ہو چکا ہے وہاں یہ دعویٰ بھی کیا کہ اب منکرین ختم نبوت اور نام نہاد محافظین ختم نبوت بھی ایک گھاٹ پر پانی پی رہے ہیں اور اب جماعت احمد یہ اور جمعیت العلماء اسلام بھی ایک صف میں کھڑے ہیں۔اسی مضمون میں یہ تجزیہ بھی شائع کیا گیا کہ بائیں بازو کی جماعتیں پانچ فیصد ووٹ بھی حاصل نہیں کر سکیں گی (12)۔اس جریدے میں یہ دعویٰ بھی کیا جارہا تھا کہ اب تو خود پاکستان پیپلز پارٹی کے چیئر مین ذوالفقار علی بھٹو بھی نا امید ہو چکے ہیں کہ ان کی پارٹی کوئی خاطر خواہ کار کردگی دکھا سکے گی اور انتخابات میں دائیں بازو کی جماعتوں کے لیے کوئی خطرہ بن سکے گی۔اور اب پیپلز پارٹی کے کارکن انتخابی عمل میں کوئی دلچسپی نہیں لے رہے۔(13)