خطاباتِ شورٰی (جلد سوم۔ 1944ء تا 1961ء) — Page 694
خطابات شوری جلد سوم ۶۹۴ مجلس مشاورت ۱۹۵۷ء حالانکہ ہم یہاں پرنسپل کو پانچ سو روپیہ دیتے ہیں۔بہر حال وہاں جو ترقی ہوگی اس کے ذریعہ جماعت کی حالت بھی مضبوط ہو گی۔چنانچہ جب سیرالیون میں ایک پریس لگانے کی تجویز ہوئی تو جیسا کہ میں ایک خطبہ میں بیان کر چکا ہوں وہاں ایک دوست نے جو نیا نیا احمدی ہوا تھا ایک ہزار پونڈ چندہ دیا اور ایک اور آیا اُس نے پندرہ سو پونڈ دیا اور پندرہ سو پونڈ کے معنے یہ ہیں کہ گویا اُس نے بائیس ہزار روپیہ بطور چندہ دیا اور تین چار مہینہ کے اندر اندر پچیس سو پونڈ جمع ہو گیا۔گویا چند ماہ کے اندر اندر اس جماعت نے ۳۳ ہزار روپیہ دیا۔سیرالیون کی جماعت ابھی بہت تھوڑی ہے مگر اللہ تعالیٰ کے فضل سے امید ہے کہ یہ جماعت بھی بڑھے گی اور ترقی کرے گی مگر اُس وقت تک یہ بوجھ ہمیں ہی اُٹھانا پڑے گا وہاں کا ایک لڑکا بھی یہاں آیا ہوا ہے تاکہ تعلیم حاصل کرنے کے بعد جماعت کا مبلغ بن سکے۔اس کی تعلیم کا بوجھ بھی ہم برداشت کر رہے ہیں۔اسی طرح جو مبلغ وہاں جاتے ہیں اُن کے کرائے وغیرہ بھی ہمیں ادا کرنے پڑتے ہیں۔اللہ تعالیٰ کا فضل ہے کہ ابھی ان لوگوں کے دلوں میں یہ احساس پیدا نہیں ہوا کہ پاکستانی ہم پر حکومت کر رہے ہیں۔صرف ایک دفعہ نائیجیریا سے یہ آواز آئی تھی۔میں نے انہیں کہا کہ اگر تمہیں یہ بات نا پسند ہے تو میں سارے پاکستانی مبلغ واپس بلا لیتا ہوں۔میری اس دھمکی کے بعد فوراً اُن کی مجلس شوریٰ ہوئی اور اُس نے فیصلہ کیا کہ ہم اس شخص کے سخت خلاف ہیں جس نے یہ بات کہی ہے۔ہمارا امیر پاکستانی مبلغ ہی مقرر کیا جائے ہم اس کے پیچھے چلیں گے۔تو خدا تعالیٰ کے فضل سے اگر اُن میں یہ روح قائم رہی بلکہ ترقی کرتی رہی تو شاید اس ملک کے چندے ہمارے ملک سے بھی بڑھ جائیں لیکن ابھی ان ملکوں کی موجودہ آبادی کے لحاظ سے ان کے چندے کم ہیں۔جیسا کہ میں نے بتایا ہے کہ اگر گولڈ کوسٹ ، نائیجیریا، سیرالیون اور لائبیر یا ملایا جائے تو ان کی وسعت پاکستان سے ہیں گنے ہے لیکن آبادی تھوڑی ہے صرف تین کروڑ کے قریب ہے زیادہ تر جنگلات ہی ہیں۔احمدیت مشرقی افریقہ میں پھر ایسٹ افریقہ میں بھی خدا تعالیٰ کے فضل سے احمدیت پھیل رہی ہے۔اس کا علاقہ بھی پاکستان۔ހނ دس پندرہ گنا زیادہ ہے لیکن آبادی تھوڑی ہے یعنی تین چار کروڑ کے قریب ہے۔پس