مقالہ جات برائے تقاریر دوران صد سالہ خلافت جوبلی ۲۰۰۸ء — Page 387
بھی نظر آتے ہیں اور امرا میں بھی لیکن امرا میں کم اور غربا میں زیادہ۔،، الفضل 22 جون 1946 ء) : حضرت خلیفۃ المسیح الثانی رضی اللہ عنہ فرماتے ہیں: 1934ء کے آخر میں جماعت جو بیداری پیدا ہوئی اس کے نتیجہ میں جماعت نے ایسی غیر معمولی قربانی کی روح پیش کی جس کی نظیر اعلی درجہ کی قوموں میں بھی مشکل سے مل سکتی ہے۔۔۔تحریک جدید کے پہلے دور میں احباب نے غیر معمولی کام کیا اور ہم اسے فخر کے ساتھ پیش کر سکتے ہیں۔مؤرخ آئیں گے جو اس امر کا تذکرہ کریں گے کہ جماعت نے ایسی حیرت انگیز قربانی کی کہ جس کی مثال نہیں ملتی اور اس کے نتائج بھی ظاہر ہیں۔حکومت کے اس عنصر کو جو ہمیں مٹانے کے درپے تھا متواتر ذلت ہوئی۔۔۔۔اور احرار کو تو اللہ تعالیٰ نے ایسا ذلیل کیا ہے کہ اب وہ مسلمانوں کے سیج (stage) پر کھڑے ہونے کی جرات نہیں کر سکتے۔۔۔تو اللہ تعالیٰ نے ہمارے سب دشمنوں کو ایسی سخت شکست دی ہے کہ حکام نے خود اس کو تسلیم کیا ہے۔“ الفضل 15 نومبر 1938ء و سوانح فضل عمر جلد 3 صفحہ 324 و 325) تحریک جدید کے مختلف مطالبات پر عمل پیرا ہونے کے نتیجہ میں جو با برکت انقلاب جماعت میں پیدا ہوا اس کا ذکر کرنے کے بعد حضور رضی اللہ عنہ فرماتے ہیں: وو یہ سب فتوحات جو اللہ تعالیٰ کے فضل سے ہمیں حاصل ہوئیں، ہمارا مقصد نہیں، ہمارا مقصد ان سے بہت بالا ہے اور اس میں کامیابی کے لیے ابھی بہت قربانیوں کی ضرورت ہے۔“ الفضل 15 نومبر 1938ء و سوانح فضل عمر جلد 3 صفحہ 324 و 325) اس تحریک (تحریک جدید) کے پہلے دور کی میعاد دس سال تھی۔۔۔اس دور میں اللہ تعالیٰ نے جماعت کو جس قربانی کی توفیق دی ہے اس کا اندازہ اس سے ہو سکتا ہے کہ اس نے اس عرصہ میں جو چندہ اس تحریک میں دیا وہ تیرہ چودہ لاکھ روپیہ بنتا ہے اور اس روپیہ سے جہاں ہم نے اس دس سال کے عرصہ میں ضروری اخراجات کئے ہیں وہاں اللہ تعالیٰ کے فضل سے ایک ریزرو فنڈ (reserve fund ) بھی قائم کیا ہے اور اس ریز رو فنڈ (reserve fund کی مقدار 280 مربع زمین ہے۔اس کے علاوہ بھی ایک سو مربع زمین ایسی ہے جس میں سے کچھ حصہ کے خریدنے کا ابھی وقت نہیں آیا۔کچھ حصہ گو خریدا تو گیا ہے مگر اس پر ابھی قرض ہے اسے اگر شامل کر لیا جائے تو کل رقبہ 380 مربع ہو جاتا ہے۔۔۔اس دوران میں تحریک جدید کے ماتحت ہمارے مبلغ جاپان (Japan) میں گئے ، تحریک جدید کے ماتحت چین (China) میں مبلغ گئے ، تحریک جدید کے ماتحت سماٹرا (Smatra) اور جاوا (Jawa ) میں مبلغ گئے اور اس تحریک کے ماتحت خدا تعالیٰ کے فضل سے سپین (Spain)، اٹلی (Italy)، ہنگری (Hungary)، پولینڈ (Poland)، البانیہ (Albania)، یوگو سلاویہ (Yugoslavia) اور امریکہ (America) میں بھی مبلغ گئے اور افریقہ (Africa) کے بعض ساحلوں پر بھی اسی تحریک کے ماتحت مبلغ گئے اور ان مبلغین کے ذریعہ اللہ تعالیٰ کے فضل سے ہزاروں لوگ سلسلہ احمدیہ میں داخل ہوئے اور سلسلہ سے لاکھوں لوگ روشناس ہوئے۔“ تحریک جدید کا ایک اور ثمر احرار کے انجام کی پیشگوئی: الفضل 28 نومبر 1934 ء و سوانح فضل عمر جلد 3۔صفحہ 325) دعاؤں، انابت الی اللہ، تزکیۂ نفس، اسلامی تمدن و طریق کے مطابق زندگی بسر کرنے یعنی تحریک جدید کی الہامی و انقلابی 387