جماعت احمدیہ کا تعارف — Page 282
282 حضرت مسیح موعود علیہ السلام کا تحریر کردہ مضمون ” آسمانی فیصلہ پڑھ کر سنایا۔جس میں مخالف مولویوں کو چار شرائط کے ساتھ مقابلہ کی دعوت دی۔مگر کوئی مخالف آپ کے مقابل پر کھڑا نہ ہو سکا۔اس کے بعد ۱۸۹۱ء میں ہی مذکورہ بالا آسمانی فیصلہ شائع ہوا۔تو اس کے ساتھ ہی ۳۰ دسمبر ۱۸۹۱ء کو حضور نے تمام جماعت کو ایک اشتہار کے ذریعہ اطلاع دی کہ آئندہ ہر سال دسمبر کے آخری ہفتہ میں ۲۷۔۲۸۔۲۹ دسمبر کو جماعت کا سالانہ جلسہ منعقد ہوا کرے گا۔اور اس اشتہار میں جلسہ کی اغراض و مقاصد کا ذکر کیا۔اور ان برکات کا ذکر کیا جو اس کے ساتھ وابستہ ہیں۔جلسہ کے متعلق اس پہلے اشتہار میں حضور نے جلسہ کے متعلق بارها امور بیان کئے۔جو حسب ذیل ہیں:۔ا۔تمام خلصین داخلین سلسلہ بیعت اس عاجز پر ظاہر ہو کہ بیعت کرنے سے یہ غرض ہے کہ تا دنیا کی محبت ٹھنڈی ہو اور اپنے مولا کریم اور رسول مقبول ﷺ کی محبت دل پر غالب آ جائے۔اور ایسی حالت انقطاع پیدا ہو جائے۔جس سے سفر آخرت مکر وہ معلوم نہ ہو۔۲۔اس غرض کے حصول کے لئے صحبت میں رہنا اور ایک حصہ اپنی عمر کا اس راہ میں خرچ کرنا ضروری ہے۔تا اگر خدا تعالیٰ چاہے تو کسی برہان یقینی کے مشاہدہ سے کمزوری اور ضعف اور کسل دور ہواور یقین پیدا ہوکر ذوق اور شوق اور ولولہ عشق پیدا ہو جائے۔سو اس بات کے لئے ہمیشہ فکر رکھنا چاہئے اور کرنا چاہئے کہ خدا تعالیٰ یہ توفیق بخشے اور جب تک یہ توفیق حاصل نہ ہو کبھی کبھی ضرور ملنا چاہئے۔کیونکہ سلسلہ بیعت میں داخل ہوکر پھر ملاقات کی پروانہ رکھنا ایسی بیعت سراسر بے برکت اور صرف ایک رسم کے طور پر ہوگی۔۳۔چونکہ ہریک کے لئے باعث ضعف فطرت یا کمی مقدرت یا بعد مسافت یہ میسر نہیں آ سکتا کہ وہ صحبت میں آ کر رہے یا چند دفعہ سال میں تکلیف اٹھا کر ملاقات کے لئے آوے۔کیونکہ اکثر دلوں میں ابھی ایسا اشتعال شوق نہیں کہ ملاقات کے لئے بڑی بڑی تکالیف اور بڑے بڑے حرجوں کو اپنے پر روا رکھ سکیں۔لہذا قرین مصلحت معلوم ہوتا ہے کہ سال میں تین روز ایسے جلسہ کے لئے مقرر کئے جائیں۔جس میں تمام مخلصین اگر خدا چاہے بشرط صحت و فرصت و عدم موانع قو یہ تاریخ مقرر پر حاضر ہوسکیں۔۴۔میرے خیال میں بہتر ہے کہ وہ تاریخ ۲۷ دسمبر سے ۲۹ دسمبر تک قرار پائے یعنی آج کے دن کے بعد ۳۰ دسمبر ۱۸۹۱ء ہے آئندہ اگر ہماری زندگی میں ۲۷ دسمبر کی تاریخ آ جاوے تو حتی الوسع تمام دوستوں کو محض للہ ربانی باتوں کے سننے کے لئے اور دعا میں شریک ہونے کے لئے اس تاریخ پر آجانا چاہئے۔۵۔اور اس جلسہ میں ایسے حقائق اور معارف کے سنانے کا شغل رہے گا جو ایمان اور یقین اور معرفت کو ترقی دینے کے لئے ضروری ہیں۔اور ان دوستوں کے لئے خاص دعائیں اور خاص توجہ ہوگی اور حتی الوسع بدرگاہ