جلسہ سالانہ — Page 73
73 اگر یورپ کا کھانا اور امریکہ کا کھانا جو پھینکا جاتا ہے غریب ملکوں میں تقسیم ہوسکتا ہو تو پورے افریقہ کے لئے ایک سال کی غذا کا موجب بن سکتا ہے۔تو دیکھو Waste نہ جانے کے متعلق رسول اللہ صل اللہ کی تعلیمات کا کتنا بنیادی فائدہ ہے۔لڑائی جھگڑوں سے پر ہیز رکھیں۔فضول بحثوں میں نہ الجھا کریں۔کارکنان سے تعاون کیا کریں۔جہاں تک حفاظت کا تعلق ہے اصل حفاظت تو اللہ تعالیٰ ہی کی ہے مگر میرا تجربہ ہے کہ جب بھی کوئی جلسہ کا وقت قریب آنے والا ہو۔لوگوں کو بڑی ڈراؤنی خوا ہیں آتی ہیں اور مجھے لکھ لکھ کر بھیجتے ہیں کہ احتیاط کریں۔اب میری احتیاط اور کیا ہوسکتی ہے۔اللہ تعالیٰ ہے جو حفاظت کرنے والا ہے۔مجھے قطعاً کوئی پرواہ نہیں کہ خدا کی راہ میں مجھے کیا در پیش ہو لیکن حفاظت کے لئے ایک اصول میں آپ کے سامنے بیان کرتا ہوں۔ہر جلسے پر بیان کیا کرتا ہوں کہ ہر آدمی اپنے گرد و پیش پر گہری نظر رکھے اور اگر کسی کو اجنبی دیکھے اور یہ محسوس کرے کہ اس اجنبی میں کچھ غیریت پائی جاتی ہے۔اس کی آنکھوں سے لگتا ہے کہ خطرہ کا موجب ہوگا۔اس پر نظر رکھیں۔اس سے بہتر اور کوئی حفاظتی اقدامات نہیں ہو سکتے۔اپنے گردو پیش پر نظر رکھیں اور خیال رکھیں کہ کسی قسم کی شرارت نہ ہونے دیں۔حضرت مسیح موعود علیہ السلام نے جلسہ کی اغراض میں یہ بھی فرمایا ہے کہ باہمی موقت پیدا ہو۔دور دور سے لوگ آتے ہیں اور آپ کے ملک میں اس وقت سب دنیا سے لوگ اکھٹے ہوئے ہیں۔ان سے محبت اور پیار سے ملیں اور حضرت مسیح موعود علیہ الصلوۃ والسلام کے اس حکم کی اطاعت کریں۔سفر کے متعلق بارہا میں کہہ چکا ہوں کہ احتیاط برتیں۔اگر نیند غالب ہو تو سفر نہ کیا