مجموعہ اشتہارات (جلد 3) — Page 169
۲۳۹ (ضمیمہ اربعین نمبر ۳ و ۴) بِسْمِ اللّٰہِ الرَّحْمٰنِ الرَّحِیْمِ نَحْمَدُہٗ وَنُصَلِّیْ دردِدِل سے ایک دعوت قوم کو مَیں نے اپنا رسالہ اربعین اس لئے شائع کیا ہے کہ مجھ کو کاذب اور مفتری کہنے والے سوچیں کہ یہ ہر ایک پہلو سے فضل خدا کا جو مجھ پر ہے ممکن نہیں کہ بجز نہایت درجہ کے مقرب اﷲ کے کسی معمولی ملہم پر بھی ہو سکے۔چہ جائیکہ نعوذ باﷲ ایک مفتری بدکردار کو یہ نشان اور مرتبہ حاصل ہو۔اے میری قوم! خدا تیرے پر رحم کرے۔خدا تیری آنکھیں کھولے۔یقین کر کہ مَیں مفتری نہیں ہوں۔خد اکی ساری پاک کتابیں گواہی دیتی ہیں کہ مفتری جلد ہلاک کیا جاتا ہے۔اس کو وہ عمرہرگز نہیں ملتی جو صادق کو مل سکتی ہے۔تمام صادقوں کا بادشاہ ہمارانبی صلی اﷲ علیہ وسلم ہے۔اس کو وحی پانے کے لئے تئیس برس کی عمر ملی۔یہ عمر قیامت تک صادقوں کا پیمانہ ہے۔اور ہزاروں لعنتیں خدا کی اور فرشتوں کی اور خدا کے پاک بندوں کی اس شخص پر ہیں جو اس پاک پیمانہ میں کسی خبیث مفتری کو شریک سمجھتا ہے۔اگر قرآن کریم میں آیت لَوْتَقَوَّلَ بھی نازل نہ ہوتی اور اگر خدا کے تمام پاک نبیوں نے نہ فرمایا ہو تاکہ صادقوں کا پیمانہ عمر وحی پانے کا کاذب کو نہیں ملتا تب بھی ایک سچے مسلمان کی وہ محبت جو اپنے پیارے نبی صلی اﷲ علیہ وسلم سے ہونی چاہیے۔کبھی اس کو اجازت نہ دیتی کہ وہ یہ بے باکی اور بے ادبی کا کلمہ منہ پر لا سکتا کہ یہ پیمانہ وحی نبوت یعنی تئیس برس جو آنحضرت صلی اﷲ علیہ وسلم کو