حیات ناصر ۔ جلد اوّل — Page 433
378 بعد اللہ تعالیٰ نے ایسے سامان پیدا کر دیئے کہ گیمبیا جو مغربی افریقہ کا ایک ملک ہے اسے آزاد کرایا اور پھر وہاں ایک احمدی مسٹر سنگھائے صاحب کو جو اپنی جماعت کے پریذیڈنٹ بھی تھے ، گورنر جنرل بنا دیا پھر انہوں نے مجھ سے حضرت مسیح موعود علیہ الصلوۃ و السلام کا کپڑا بطور تبرک طلب کیا اور لکھا کہ میں نے بڑی دعائیں کی ہیں اور بڑے خشوع اور تضرع کے ساتھ اپنے رب کے سامنے جھکا ہوں کہ وہ مجھے حضرت مسیح موعود علیہ الصلوۃ والسلام کے کپڑے سے برکت حاصل کرنے کی توفیق عطا کرے۔چنانچہ خدا تعالیٰ نے ایسے سامان پیدا کر دیئے کہ جن کو دیکھ کر حیرت ہوتی ہے۔پہلے مجھے گھبراہٹ تھی کہ ان کے مطالبہ کے بعد انہیں کپڑا ملنے میں غیر معمولی دیر ہو رہی ہے لیکن اللہ تعالیٰ کی مشیئت کچھ اور ہی تھی آخر وہ کپڑا ان کو یہاں سے روانہ کر دیا گیا اور وہ کپڑا ان کو جس دن صبح بذریعہ ڈاک ملا اسی رات کو بی۔بی۔سی سے اعلان ہوا کہ ان کو ایکٹنگ گورنر جنرل سے گورنر جنرل بنا دیا گیا ہے۔اس کا نتیجہ یہ ہوا کہ ان کے دل میں خدائے تعالیٰ اور اس کے رسول اور اس رسول کے فرزند جلیل حضرت مسیح موعود علیہ السلام کے لئے شدید محبت پیدا ہو گئی جس محبت کا اظہار انہوں نے پہلے ایک تار اور پھر ایک خط کے ذریعہ کیا۔پھر اللہ تعالیٰ نے ان پر ایک اور دینوی فضل کیا۔آج ہی ان کا تار ملا ہے جس میں انہوں نے اطلاع دی ے کہ مجھے حکومت برطانیہ نے نائٹ بڈ (Knight Hood) عطا کیا ہے ہے۔میری طرف سے جماعت کو مبارکباد پہنچا دیں۔جہاں اللہ تعالیٰ ان کے لئے جسمانی اور روحانی برکتوں کے سامان پیدا کر رہا ہے وہاں ان کے ماحول میں بھی ایک تبدیلی ہو رہی ہے چنانچہ پچھلے خط میں انہوں نے مجھے یہ اطلاع دی تھی کہ ہمارے ملک میں لوگ احمدیت کی صداقت اور حقانیت کی طرف متوجہ ہو رہے ہیں۔