حیات طیبہ — Page xix
حال ہی میں حضرت مسیح موعود علیہ السلام کی ایک سوانح عمری مصنفہ شیخ عبد القادر صاحب فاضل ”حیات طیبہ کے نام سے شائع ہوئی ہے۔میں ابھی تک اس کتاب کا مکمل صورت میں مطالعہ نہیں کر سکا۔مگر جو حصے بھی اس وقت تک میری نظر سے گذرے ہیں ان کی بناء پر کہ سکتا ہوں کہ یہ کتاب خدا تعالیٰ کے فضل سے ہمارے لٹریچر میں ایک بہت عمدہ اضافہ ہے۔غالباً ایک جلد میں حضرت مسیح موعود علیہ السلام کی اس قدر جامع اور مرتب سوانح عمری اس وقت تک نہیں لکھی گئی۔واقعات کی حتی المقدور تحقیق و تدقیق اور ترتیب اور موقعہ بموقعہ مناسب تبصرہ جات نے اس کتاب کی قدر و قیمت میں اضافہ کر دیا ہے اور ضروری فوٹو بھی شامل ہیں۔کتاب کا مطالعہ کرنے والا حضرت مسیح موعود علیہ السلام کی بلند و بالا شخصیت اور تبلیغ اسلام کے لئے ان کی والہا نہ جد و جہد سے متاثر ہوئے بغیر نہیں رہ سکتا۔طباعت بھی اچھی ہے۔میرے خیال میں یہ کتاب اس قابل ہے کہ نہ صرف جماعت کے دوست اسے خود مطالعہ کریں۔بلکہ غیر از جماعت اصحاب میں بھی اس کی کثرت کے ساتھ اشاعت کی جائے میری دعا ہے کہ اللہ تعالیٰ اس کتاب کو نافع الناس بنائے۔اور مصنف کو جزائے خیر دے۔آمین! خاکسار مرزا بشیر احمد ربوہ ۱۲ ؍ جنوری ۱۹۶۰ء