حیات بشیر — Page 475
بسم الله الرحمان الرحيم 475 نحمده ونصلى على رسوله الكريم خدا کے فضل اور رحم کے ساتھ هو الناصر سکرمی السلام عليكم ورحمة الله وبركاته عزیزم مرزا بشیر احمد صاحب کی وفات پر آپ نے جس گہری ہمدردی اور غم کے جذبات کا اظہار کیا ہے میں اس کا شکریہ ادا کرتے ہوئے اللہ تعالیٰ سے دعا کرتا ہوں کہ وہ اپنے فضل سے آپ کو اس کی بہترین جزا عطا فرمائے اور دین و دنیا میں ہرقسم کی مکروہات سے بچا کر خیر و برکت سے متمتع کرے۔عزیز مجھ سے چھوٹے تھے مگر اللہ تعالیٰ کی مشیت کے ماتحت وہ پہلے اٹھا لئے گئے۔دل ان کی وفات سے زخم خوردہ ہے مگر اللہ تعالیٰ کی رضا ہمیں ہر چیز پر مقدم ہے اور اُسی کے آستانہ پر جھکنے سے ہماری نجات ہے۔اگر مومن اس قسم کے ابتلاؤں میں ثابت قدمی دکھائے اور خدا تعالیٰ کی رضا کی راہ پر پہلے سے بھی زیادہ تیزی سے چلنے لگے تو وہ کامیاب ہو جاتا ہے۔لیکن اگر وہ سست ہو جائے تو اپنے پہلے مقام کو بھی کھو بیٹھتا ہے۔پس ابتلاؤں کا آنا مومنوں کے لئے بڑے فکر کا موجب ہوتا ہے اور جماعت کا فرض ہوتا ہے کہ وہ ایسے ابتلاؤں کے وقت پہلے سے بھی زیادہ جوش اور ہمت کے ساتھ خدا تعالیٰ کے دین کی خدمت کے لئے کھڑی ہو جائے۔اور اپنی آئندہ نسلوں کی درستی کی فکر کرے ہم میں سے کون ہے جس نے ایک دن اپنے رب کے حضور حاضر نہیں ہونا۔پھر کیوں ہم اپنے فرض سے غافل رہیں۔ہمیں ہمیشہ اپنے دلوں کو ٹٹولتے رہنا چاہیے۔اور اچھے قائم مقام اور اعلیٰ درجہ کی نیک نسلیں چھوڑنے کی کوشش کرنی چاہیے۔اللہ تعالیٰ آپ کے اور آپ کے تمام اعزہ و متعلقین کے ساتھ ہو۔خاکسار آپ کی اولاد مرزا محمود احمد “ آپ کی اولاد کے اسماء مع تاریخ پیدائش درج ذیل ہیں: