حیات بشیر — Page 355
355 -۳۴ اللہ تعالیٰ اپنے فضل سے شفا دے۔آپ بلڈ پریشر اور ذیابیطس کی طرف زیادہ توجہ دیں۔انشاء اللہ اس کے نتیجہ میں دل کی دھڑکن کو بھی آرام محسوس ہو گا۔کھانے کا پرہیز رکھیں۔اللہ تعالیٰ آپ کے ساتھ ہو۔اور صحت اور برکت کی زندگی نصیب کرے۔۳۱ حضرت مرزا شریف احمد صاحب رضی اللہ عنہ کی وفات مؤرخہ ۲۶ دسمبر ۱۹۶۱ء کو ہوئی۔جس پر جماعت کے دوستوں کی طرف سے تعزیتی خطوط آنے پر آپ نے انہیں مندرجہ ذیل خط سائیکلو سٹائل مشین پر طبع کروا کر بھجوایا: مکرمی و محترمی السلام علیکم ورحمۃ اللہ وبرکاتہ عزیزم میاں شریف احمد صاحب کی وفات پر آپ کی طرف سے ہمدردی کا خط موصول ہوا۔میاں شریف احمد صاحب کی وفات ایک بڑا جماعتی اور خاندانی صدمہ ہے اور میں آپ کا ممنون ہوں کہ آپ نے اس صدمہ میں ہمدردی کا اظہار فرمایا ہے۔اللہ تعالیٰ آپ کو جزائے خیر دے۔ایسے موقعہ پر عزیزوں اور دوستوں کی ہمدردی اور دعا بڑے سہارے کا موجب ہوتی ہے۔عزیز مرحوم ایک لمبے عرصہ سے بیمار چلے آتے تھے اور گذشتہ سال انہیں دل کی بیماری کا حملہ بھی ہوا تھا۔لیکن اللہ تعالیٰ اپنے الہام کے مطابق اُن کو عمر دیتا رہا مگر آخر مقدر وقت آگیا اور ہم سے جدا ہو گئے۔”ہمارے دل کو حزیں بنا کر آپ ہم سب کے لئے عموماً اور میاں شریف احمد صاحب کی بیوی اور بچوں کے لئے خصوصاً دعا فرما تے رہیں۔کہ اللہ تعالیٰ صبر کے مقام پر قائم رکھے اور دین و دنیا میں ان کا حافظ و ناصر ہو اور اپنی رضا کے ماتحت خدمت دین کی توفیق دے یہ دنیا تو بہر حال عارضی ہے۔انسان کی حقیقی خوشی اسی میں ہے کہ خدا اس راضی رہے اور اس کا انجام بخیر ہو کیونکہ بلانے والا ہے پیارا اسی دل تو جاں فدا کر والسلام ( دستخط) مرزا بشیر احمد “