حیاتِ احمد (حیاتِ احمد۔ جلد پنجم حصہ دوم) — Page 197
حیات احمد اعلان حق نمبر ا ۱۹۷ طاعون کا علاج آسمانی نشان فی تائید مسیح الزمان إِنَّ اللهَ لَا يُغَيْرُ مَا بِقَوْمٍ حَتَّى يُغَيْرُوْا مَا بِأَنْفُسِهِمْ ↓ جلد پنجم حصہ دوم ملک پنجاب و ہندوستان کے لوگوں پر یہ امرمخفی نہیں کہ ان چند سال کے اندر آفت طاعون نے اس ملک میں کیا کچھ انقلاب کر دکھایا ہے جس شہر یا گاؤں یا گھر میں قدم رکھتی ہے صفائی کئے بغیر نہیں چھوڑتی۔اس کے ہیبت ناک حملوں کے نظارہ سے دل کانپتے اور بدنوں پر لرزہ آتا ہے۔یہ آسمانی بجلی کی طرح دنیا کو کھاتی جاتی ہے لوگ اپنے شہروں اور گھروں کو چھوڑ کر بھاگتے جاتے ہیں۔عزیزوں اور ا قارب میں تفرقہ ہو رہا ہے۔دنیا کے دم میں دم نہیں رہا۔مخلوق اپنے بچاؤ کی مختلف تدبیروں میں مشغول ہے مگر افسوس کہ اس کی اصل حقیقت اور علاج سے محض ناواقف ہیں۔میرے دل میں ہمدردی بنی نوع کا ایک جوش ہے کیونکہ خدا تعالیٰ نے اس کا حقیقی اور قطعی اور یقینی علاج اس عاجز پر ظاہر فرمایا ہے اس لئے میرا دل و ایمان و ہمدردی بنی نوع انسان مجھے مجبور کر رہی ہے کہ میں اس اصل علاج کو جو اس آفت کے دفعیہ کے لئے کافی وشافی ہے اور جس کے اندر دنیا کے بچاؤ کے اسباب موجود ہیں پبلک پر ظاہر کروں تا کہ جن کی قسمت میں اس سعادت سے حصہ لینا مقسوم ہے نجات پائیں۔پس واضح ہو کہ اللہ تعالیٰ قریباً عرصہ ایک سال سے اس عاجز پر کشفی رنگ میں ظاہر فرما رہا ہے ا حاشیہ۔میں اس جگہ اس بات کو بھی ظاہر کرنا مناسب سمجھتا ہوں کہ میرا یہ اعلان صرف میری اپنی طرف سے نہیں بلکہ اللہ تعالیٰ کی طرف سے ہے کیونکہ اس نے مجھے حضرت امام الزمان مسیح موعود علیہ السلام کی صداقت اور آپ کے اس متبرک زمانہ کے چگونگی حالات پر گواہی دینے کے لئے مامور فرمایا ہے جیسا کہ سورہ بروج آیت وَالْيَوْمِ الْمَوْعُوْدِ وَشَاهِدِ وَ مَشْهُودٍ لے کے مفہوم سے ثابت ہے کیونکہ یومُ المَوْعُود یہی زمانہ ہے ل الرعد : ١٢ ٢ البروج : ۴۳